Briefwisseling van Hugo Grotius. Deel 2

470
habebitis. De Apologetico 1 audivi antehac auctoritate publica Antverpiae suppressum
tanquam periculosae lectionis. Hogerbetio exiguum epistolium mitto quo libertatem
ei gratulor. Ad Rivam Galli nihil promovent: nec magis in Italia quanquam Feria 2
nuper imprudenter tentata Astae obsidione ante copiarum Cordubentium 3 adventum
erroris sui poenas dedit, coactus abscedere: sed id exiguum. Cetera Gallorum et
ibi male habent amissis quae bello ceperant. Iam Sabaudus de suis servandis certat.
Nostri a Subizianis bis cladem acceperunt, quod Rupellensium animos ita accendit,
ut vix accepturi videantur pacis conditiones. Verdoesium 4 meo nomine salutari velim.
Scriptura adolescentis 5 quam mittit pater tolerabilis est. Sed Latina scriptione magis
et saepius utimur. Recte igitur faciet si eam addiscat. Cornelii literis et alteris quae
aderant occasione data respondebo. De porcellaneis 6 si opus sit cogitabimus, nunc
non est. Vale cum uxore, parentibus, amicis. 15 Augusti 1625.
Tuus tui amantissimus Frater
H. Grotius.
1001. 1625 Aug. 18. Van N. van Reigersberch 7
.
1002. 1625 Aug. 22. Aan Jan de Groot 8
.
Hisce temporibus, Parens optime, quam saepissime a vobis intelligere tum quae
ad valetudinem vestram tum quae ad statum publicum pertinent magni duco. Nos
nihil habemus quod reddamus, inter internum et externum bellum pacemque incerti.
Legatus Pontificius 9 abitum cum pararet retentus est. Comes stabuli 10 valet melius,
et iter in Delphinatum omittit ibique subsistit, nulla magna cum spe amissa Gavii et
arce, et quae alia bello parta. Magna hic exspectatio est de reditu eorum qui
Rupellam et in alia oppida missi ut sententias de pacis conditionibus intelligerent.
Liber meus 11 si tibi aliisque nostri amantibus non displicet, gaudeo. Exemplarium
duorum alterum tibi, Pater, alterum fratri missum iam antehac puto significasse. Ex
Institutionibus nostris 12 haud multum est quod excerpere Damius 13 potuit; editionis
consilium non plane abiicio. Sed prius exploranda mihi essent iudicia quorundam
in foro veterum. Cogitabimus. Si adolescens 5 de quo scribis bonis est moribus, et
si literam Italicam ita discit,
1 Zie p. 76 n. 1.
2 Dom Alvarez de Figueroa, hertog van Feria.
3 Zie p. 459 n. 1.
4 Mr. Jacob van der Does, raadsheer van den Prins.
5 Zie p. 462 n. 2.
6 Zie p. 295 n. 10; p. 471 n. 2.
7 Hs. Bibl. Rem. Gem. Rotterdam. Gedrukte Brieven van Nic. van Reigersberch ed. Rogge p.
57.
8 Gedrukt Epistolae p. 784
9 Zie p. 432 n. 5.
10 Lesdiguières.
11 De iure belli de pacis.
12 De ‘Inleiding tot de Hollandsche Rechtsgeleertheyd’, die 1631 uitkwam. Rogge 103 vv.
13 De contra-remonstrantsche geneesheer te Haarlem, Mathias Damius, over wien zie Nederl.
Biogr. Wdbk. IV, 493; zijn geschriften daar, en bij Rogge, Pamfletten-Cat. Amst. II p. 234.
5 Zie p. 462 n. 2.
Hugo de Groot, Briefwisseling van Hugo Grotius. Deel 2