Briefwisseling van Hugo Grotius. Deel 2

462
stantiae nondum innotuerunt. Interim Legati Subizianorum ierunt ad suas civitates
exploraturi, an conditiones pacis placeant quas Rex velit. Varia de ea re iudicia sunt.
Maior tamen spes pacis. Tabellarium nullum dum reperire potui cui libri mei 1
exemplaria darem perferenda. Sed immineo occasionibus. Famulum 2 velim qui
mensa famulari contentus sit, et Latina scribere possit. De iure belli ac pacis iudicia
vestra exspectabo. Vale mi Pater cum optima matre, fratre, sorore et propinquis
amicisque omnibus. Caetera nostra per Graswinckelium intelligetis qui Lunae die
iter suscipere ad vos cogitat. Lutetiae 31 Iulii 1625.
Tibi obedientissimus filius
H. Grotius.
996. 1625 Aug. 1. Aan Willem de Groot 3
.
Venit ad vos, mi Frater, Graswinckelius noster, ex quo disces quicquid ad res nostras
pertinet. Veniunt et amici alii complures et e Gallia duo fratres Claudii Salmasii, viri,
ut tu optime nosti, supra omnem commendationem eruditi. Iis si qua in re potes
bene facere et ipsos et fratrem et me obligaveris. Quis hic et in Italia belli status,
quae pacis sit spes partim scripsi antehac partim ex amicis istis plenius intelliges.
Remitto tibi quae ad Senecam notaveram aucta a me 4 : sed hac lege ne Scriverio 5
tradas, nisi certus sis parata omnia ad editionem, quam ille diu promittit, tarde
praestat: quod si perseverat cunctari notae istae aut hic cum Phaenissis 6 aut alibi
typis dandae erunt. Auctuarium ad Lucani Notas brevi tibi transmittam 7 . Usus sum
manuscriptis compluribus quae saepe id confirmant, quod ego solis coniecturis
ductus annotaveram. Postea redeo ad collectionem e Comoediis et Tragoediis
Graecis 8 . Eo confecto spero me ad Iohannis Euangelium aliquid notaturum, ut
quadrigae isti suus numerus constet 9 .
Vale mi frater, cui nihil aliud commendandum habeo, nisi ut bene valeas cum
optima coniuge. Cal. Augusti 1625.
Illud nuper per literas quaerere ex te omiseram; quid hoc potissimum tempore
Smoutium 10 adegerit ut successor mihi fieri posse crederet: aut quo magis nunc
quam antehac visus sim pro mortuo habendus: deinde an propinquus fuerit ei spei:
et an nostri ulla apud Rectores memoria. Hottomannus 11 noster saepe me urget ut
redhibeantur sibi libri typis impressi, quos olim ad historiam Licestrianam pertinentes
mihi commendaverat. Ego eas cum aliis meis chartis mihi ereptas arbitror. Mitto tibi
poemata mea 12 ut facias quod ex usu videbitur. Silvam 13 quidam putant seorsim
1 De iure belli ac pacis.
2 Over een klerk, die Willem van de Velde moest vervangen, is in de volgende brieven
herhaaldelijk sprake.
3 Gedrukt Epistolae p. 784.
4 Zie p. 459 n. 4.
5 Scriverius' Seneca verscheen 1611. Zie I p. 170 n. 1. Over Scriverius' traagheid zie I p. 88
n. 4.
6 Zie p. 459 n. 4.
7 Zie n o . 997.
8 De Excerpta kwamen in 1626 uit. Rogge 395.
9 Zie p. 27 n. 1.
10 De secretaris van Rotterdam, Mr. Cornelis Smout, die blijkbaar pensionaris had willen worden.
Eerst in 1634 kreeg Grotius te Rotterdam een opvolger ln den persoon van Simon van
Beaumont.
11 Zie p. 22 n. 3.
12 Zie p. 455 n. 5.
13 Zie p. 455 n. 6.
Hugo de Groot, Briefwisseling van Hugo Grotius. Deel 2