Briefwisseling van Hugo Grotius. Deel 2

458
Qui literas hasce ad te delaturus est, viri optimi tibique et nobis benevolentissimi
semper Neoportani, qui Schydamensibus etiamnum a secretis mansit, est filius 1 .
Eum, ut vides, pater mihi tibique commendat, ut, qui tuo hortatu hactenus studiis
humanioribus et ultra operam dedit, nunc mores hominum multorum noscat et urbes 2 .
Scio et sine mea commendatione tibi commendatissimum fore.
D. Modaeus 3 soceri liberandi 4 cum Traiectensibus in castra ad Principem profectus
est. Illi ipsi Traiectenses audent promittere si urbs illi pro custodia detur, se ipsum
retenturos. Res religionis eo videtur esse loco, ut in eos qui modeste circa sua se
exercitia habent, non severe inquiratur. Si opus tuum de Iure pacis ac belli ad
bibliopolas nostros et praecipue Batavo-Lugdunenses mittatur, magno divendi possit.
Nos quidem necdum aut habemus aut vidimus. D.O.M. vosque nosque sospitet.
Raptim Delphis XI Iulii CIƆDCXXV.
Tuus ut mereris pater
Jan de Groot.
In dorso schreef Grotius: 11 Iulii 1625. I. de Groot.
992. 1625 Juli 18. Aan Willem de Groot 5
.
Gratae fuerunt, mi Frater, ut solent semper tum tuae, tum patris literae. Mallem in
curandis literis usus esses consilio Melissaei 6 . Nam et prudentia et auctoritate valet,
nec quicquam facile sine ipso confieri poterit: quare et valetudinem ipsi et gratiam
apud Principem opto ex animo. Ego multum vereor ne Principi hoc tempore minus
grata sit toties repetita scriptio,
Et nomen subeam quod dicitur officiperda 7 .
De Pisoniano negotio 8 transacto gaudeo, gratiasque tibi habeo. Miropianum 9
commendo. Chartae de quibus scribis penes me non sunt. Hautainius 10 cum sua
classe ivit Rupellam pugnaturus in Subizium, ni pax ante coeat, ad quam
impetrandam viginti ferme legati fratrum Rohaniorum et civitatum ad Aulam sunt.
Interim ad Montem Albanum et Nemausum Espernonius 11 et Theminius 12 omnia
vasta faciunt, etiam stirpitus excisis vitibus atque arboribus, exaratisque pascuis.
Pontificius Legatus 13 adhuc in spe est conficiendae pacis Italicae. Gondomarius 14
Hispani Legatus totum hoc negotium silentio praeteriit, quasi salutandi Regis causa
1 Willem Nieupoort, zoon van den secretaris van Schiedam.
2 Toespeling op het begin der Odyssee.
3 Modaeus was de schoonzoon van Hogerbeets; zie p. 236 n. 2.
4 Voeg in ‘causa’.
5 Gedrukt Epistolae p. 783.
6 Joris de Bye.
7 Cato, Dist. IV, 42.
8 Zie p. 453 n. 9; p. 455 n. 7.
9 Misschien betreft dit Jacob van Mierop, auditeur van de rekening, die I p. 301 n. 5 genoemd
wordt, en ook Brieven van Maria van Reigersberch, ed. Rogge p. 308 n. 3.
10 De admiraal Willem de Zoete, heer van Hautain.
11 Zie p. 456 n. 9.
12 De maarschalk de Themines.
13 Zie p. 432 n. 5.
14 Zie p. 455 n. 15.
Hugo de Groot, Briefwisseling van Hugo Grotius. Deel 2