Briefwisseling van Hugo Grotius. Deel 2

455
An Apologetici 1 edendi spem ei fecerim, non satis succurrit. Mairio, si velit, mittam
libri mei exemplaria 2 . Pretium ei dicam tres florenos. Excurrit liber in quintum usque
Alphabetum 3 . Quando Buonus 4 nos fallit, per eum curari poterit ut librorum a me
editorum nomina in Catalogo compareant. Poemata 5 si edere cupiat, non intercedo,
dum typographica errata corrigantur. In Silva 6 nihil muto, aut sic edenda est, aut
edenda non est. Quod si illa eo modo tolerabilis non est, sane et alia quae hic scripsi
pleraque tolerabilia vix erunt. Tamen consilium hac de re tuum audire aveo. De
schedio cambii 7 quod curam suscipis gratum est. Uxor negotium sibi ab amicis
iniunctum curabit. Legatus Pontificis 8 librum meum de iure pacis et belli diligenter
legit: et dicitur non improbare, quanquam offensus primo quod Episcopi Romani
legisset nomen 9 , assuetus superbioribus titulis. Dubletus et Nicolaus Normannus 10
ex Romano itinere incolumes hic adsunt. Reginae tres eunt Bononiam. Rex non
ultra Ambianum progressus, it Fontembellaqueum, et inde porro, ut putatur,
Compendium. Nutant hic consilia inter bellum externum et civile. Utinam qui hic
exspectantur a Rupella et Subizio legati aliquid adferant quo Regem non alienum
a conciliatione demulceant. Italicum bellum lentum negotium est. Bredae damnum 11
multum hic nocet famae partium et Legati molitionibus patrocinatur. Rogo inclusae
hae literae 12 quam celerrime curentur; addam id nunc semel, sed ut perpetuo valeat,
ne quis quamvis amicus de hac literarum missione aut de eo quod ore respondebitur
quicquam resciscat. Minima enim effutitio magnum rebus nostris adferre
incommodum posset. Lucanum 13 libenter legam, et cum manuscriptis etiam conferam
primo otio. Sed scire velim exemplaria quae dicis sintne ex editione mea veteri 14 ,
an ex nova mihi non visa. Nam si posterius hoc est, opus erit exemplar mihi mitti.
Gondomarium 15 ab Hispania Legatum, magnum impostorem, cras hic exspectamus.
Vale mi Frater, et nostros saluta. Lutetiae 13 Iunii 1625.
Tuus totus
H. Grotius.
988. 1625 Juni 24. Van N. van Reigersberch 16
.
1 Verantwoording; zie p. 76 n. 1
2 Zie p. 453 n. 8.
3 Zie p. 422 n. 1.
4 Zie p. 453 n. 4.
5 Na de uitgave der Poemata in 1617 is er pas weer een editie verschenen in 1639; Rogge
280, 281.
6 Zie p. 101 n. 7.
7 Zie p. 453 n. 9.
8 Zie p. 432 n. 5.
9 De iure belli ac pacis II c. 9 § 11, 4.
10 Waarschijnlijk moet gelezen worden: Meermannus, en zijn bedoeld George Rataller Doubleth
en Nic. Meerman.
11 Breda was 2 Juni overgegaan.
12 Zie p. 453 n. 3.
13 Grotius had 1614 Lucanus uitgegeven; een tweede editie is van 1619; de derde kwam in
1626 by Le Maire te Leiden, Rogge 378 vv. Zie deel I reg. i.v. Zie ook n o . 997.
14 De editie van 1619; Rogge 379,
15 De Spaansche gezant te Londen, graaf Gondomar.
16 Hs. Bibl. Rem. Gem. Rotterdam. Gedrukt Brieven van Nic. van Reigersberch, ed. Rogge p.
54.
Hugo de Groot, Briefwisseling van Hugo Grotius. Deel 2