Briefwisseling van Hugo Grotius. Deel 2

451
libri mei 1 exemplaribus egeat. Amica qui per fratrem literas ad nos miserat gratias
agi velim. Rescribemus ubi quid scitu dignum inciderit. Interim quae vobis scribimus,
eorum per vos fieri poterit particeps. Soror regia cis paucos dies abitum molitur in
novum Regnum. Velim per Melissaeum 2 tentari Spessii 3 animum: ecquid mihi bene
velit. Metuo ne Maurerii amicitia mihi apud ipsum obstet. Vale cum matre, fratre et
proximis. 16 Maii 1626.
Tibi obedientissimus filius
H. Grotius.
Adres: Aen mijn heer mijn heer de Groodt in 't hof van de Graef van Hohenlo tot
Delft. Port. 6 st.
In dorso schreef Jan de Groot: Hug. Grotii 16 Maii 1625.
980. 1625 Mei 16. Van S. Episcopius 4
.
Vir Amplissime.
Si mortem fratris mei accepisti tanquam fratris tui, quo me animo eam accipere
aequum fuit? Diu credidi vix quidquam gravius aut acerbius in hoc exilio meo accidere
mihi posse. Id nunc experior. Nec enim fratris modo sed patris imo utriusque parentis
loco mihi fuit dum vixit, eratque, quod de Davide et Ionathane dicitur, anima eius
colligata cum anima mea, adeo ut me paene supra animam suam diligeret. Sed
quid faciam? Ita placuit supremo rerum nostrarum arbitro. Is Dominus erat, qui eum
mihi non mancipio sed usui dederat, idem abstulit, redditurus eum quando veniet
ut admirandus fiat in sanctis suis et glorificetur in fidelibus suis. Sit nomen eius
benedictum, quod me tanti boni et tam ingentis solatii usufructu hactenus dignatus
fuerit. Quantum in eo boni omnes perdiderint, bonorum est aestimare. Id unum scio:
nihil prius potiusque habebat in vita sua quam ut de bonis omnibus atque imprimis
innoxie adflictis vitaeque famae et conscientiae bonae studiosis bene mereretur
seque totum eorum usibus impenderet. Hoc agebat et in hoc totus erat ut
conscientiam suam Deo suo et studium suum veris Dei cultoribus probaret nulli
mortalium gravis nisi sibi ipsi, ut omnibus, ubi ubi poterat, prodesset. Hoc vero
testimonium gaudeo eum etiam a te, vir Amplissime, post mortem suam referre. Det
modo vicissim ei Dominus invenire misericordiam apud Dominum in die illa, ut laus
eius non sit ex hominibus sed ex Deo. Ego interim operam dabo ut patientia in me
perfectum opus habeat, et divinae voluntati morem geram, quo me cunque trahet
retrahetque, ne forte inidoneum me reddam, quo minus tam bonum fratrem revideam
in beato aevo isto, quod ἡ ἀποϰαραϰοδία τῆς ϰτίσεως ἀπεϰδέχεται 5 et nos iam
συστενάζοντες ϰαὶ συνωδίνοντες. Pro labore in perlegendo maculoso et fastidioso
scripto meo immortales gratias ago. Iudicium adeo grate et benignum non merui.
1 De iure belli ac pacis.
2 Joris de Bye.
3 De Fransche gezant Charles d'Espesses.
4 Hs. U.B. Amsterdam, cod. III E 1. Gedrukt, doch met veel afwijkingen, Epistolae ecclesiasticae
p. 719. Antwoord op n o . 973.
5 Ep. ad. Rom. VIII, 19.
Hugo de Groot, Briefwisseling van Hugo Grotius. Deel 2