Briefwisseling van Hugo Grotius. Deel 2

442
964. 1625 April 4. Aan B. Aubéry du Maurier 1
.
Ut bene tibi vertat migratio et, quocunque te loci tuleris, hilaris te semper sequatur
animus, Vir Amplissime, votis non fictis opto, et te nostri memorem vivere gaudeo.
Apud nostros ob morbum Mauritii Principis fratri ipsius vicarium imperium in omnes
copias ab Ordinibus Foederatis delatum est 2 . Erunt autem copiae, cum Mansfeldianis,
quae iam prope omnes advenerunt, L millia peditum, VIII millia equitum: de iis dico,
quae exire praesidia et duci poterunt. Anglus Mansfeldii miles non satis proviso
stipendio graviter cum hyeme et fame, deinde cum morbis conflictatus est. Dicuntur
Danus et Suecus conferre tria equitum, decem peditum millia 3 . Nova quotidie apud
nos conduntur tributa sustentandis his tantis oneribus. Bredae commeatus sunt
parcissime viventibus ad exitum mensis Iulii. Sunt qui putant obsessorem obsideri
prope; alii commeatus posse intercipi. Alii opera oppugnanda putant. Sunt quibus
magis placet tentari aliquid adversus Sylvamducis. Gertrudisbergam a nostris magna
victus et pabuli copia comparata est. Dicitur et Spinola in longum sibi prospexisse.
Non pauci rem putant ad praelium spectare; et nescio quae non eius rei omina ac
praesagia narrantur. Classis viginti navium sub Hautainio 4 missa ad promovendos
conatus in Liguria videtur brevi operam adversus ...... 5 navatura, cuius arma multis
valde displicent. Tamen ...... eduntur libri, qui hos metus praebent, nec admittitur ibi
Regii in ...... edicti 6 publicatio. Sed haec ex aliis exactius tibi est discere. Restat, ut
ego et uxor tibique tuaeque gratias agamus pro nostri memoria, vobisque et liberis
vestris ea precemur, quae a Deo maxime favente concedi solent. 4 Aprilis 1625.
965. 1625 April 13. Van E. Herbert of Cherbury 7
.
Etiamsi vix aliquid prius habeam quam ut amicitiam nostram omni, quo possim
modo, sartam tectamque servarem et colerem, quia tamen illa vitae ratio hucusque
a reditu fuit, ut ea quae, sive inimicorum cura, sive incuria amicorum, male ceciderunt,
dum legati munere in Gallia defungebar, in pristinum restituere mihi unice
incumbendum fuerit, ideo, non nisi devicto malo, me ad caeteros recipere aequum
fortasse, vel saltem tutum fuit; caeterum exuperatis tandem invidia, mendacio et
ipso dolo malo, ita propria luce conspicior ut tecum agere minime subverear. Quod
interim rogo, est ut me ames, quod quia paucis plurima complectitur, unicum
postulatum volo. Vale vir ingenue, et optime de re litteraria merite. Dabam Aulae 13
Apr. 1625.
Tuus omnino
E. Herbert.
1 Gedrukt Epistolae p. 73.
2 Zie p. 439 n. 10.
3 Zie p. 439 n. 2.
4 De admiraal Willem de Zoete, heer van Hautain.
5 De drie lacunes moeten m.i. aangevuld worden: Subizium; Rupellae; Subizium.
6 Zie p. 425 n. 10.
7 Hs. U.B. Leiden, cod. B.P.L. 749. De schrijver, Edward Herbert of Cherbury, was als gezant
naar Frankrijk gezonden om het huwelijk van den Prins van Wales, den lateren Koning Karel
I, met Madame Henriëtte, de zuster van Lodewijk XIII, tot stand te brengen. Hij werd echter
in 1624 teruggeroepen.
Hugo de Groot, Briefwisseling van Hugo Grotius. Deel 2