Briefwisseling van Hugo Grotius. Deel 2

438
tiae conflentur. Quodsi vero Regi placitum fuerit huc operam meam impendere,
placeat ei me praebito salvo suo conductu evocare; veniam, atque ita rem
inchoabimus, ut Rex deligat constituatque aliquos viros doctos et pacis amantes -
inter quos te et optarem, et, ut sis, confici posse per ipsum te commode satis putem
- quibus totum meum consilium aperiam, et quae ad id fundamenta substruxerim
ostendam, deque spe successus opinari ac iudicare permittam. Vale vir
praestantissime. Deus Opt. Max. diu te incolumen servet et te rebus summis idoneum
faciat. Dordrechti.
Additum post subscriptionem in epistola missa:
Addo superioribus quod consilio committam arbitratuique tuo, si communicanda
haec cum Rege putes: inconsultum si iudicas, ne fiat, et sententiae tuae mihi rationes
perscribere tibi placeat atque omnino consilium tuum, quid de toto negotio agendum
putes. Sin consultum putes, istud quoque in pactis ponatur ut mihi prospici possit
liberalitate Regis de stipendio annuo, quo non modo vacare rei tantae perficiendae
queam, sed animus quoque alacrior ad id erectiorque reddatur. Praemia certe
quosvis ad pulcra non modo alliciunt, sed instigant: neglectus vero et labores aliorum
non aestimare supinos reddit et tardos ad res praeclaras agendas. Hisce igitur
omnibus propositis conditionibus si transigatur, et si cum tali transactione evocar,
in nomine Domini rem diu meditatam et optatam auspicabor.
961. 1625 April 4. Aan Willem de Groot 1
.
Quas 17 et 24 die huius mensis 2 ad me dedisti literas, mi Frater, ad eas una opera
respondeo. Literas has inclusas 3 obsignes et recte cures velim et ex consilio
Melissaei 4 . Iam rumor hic vagatur de delato imperio militari 5 . Fac me saepe de his
quae geruntur certiorem: inter caetera qualis sit Sellingerus 6 , Ogleii 7 affinis, qui
successor destinatur Carletonio et quando is abiturus. Mylius quid agat, quem
officiose meo nomine salutari pervelim? Ecquae conditiones adiectae sunt iuramento
Principis Henrici? De successore Wilhelmi 8 nostri quod sollicitus est Pater gratias
ipsi ago; cogitabimus, nam noster nondum abiit. De rebus vestris ita mihi videtur,
plus spei esse in obsidenda Silva Ducis quam ad Bredam obsidio eximendam. Sed
viderint quorum haec res in manu est. De libris ad usum forensem inquiram: etiam
de musquettis. Nondum reperi qui ista negotia tractant. Subizius adhuc in Insula
Olerone est et eam munit. Dicitur classis nostra hanc primum operam Regi navatura.
Disceptatum audio inter Ministros Regis et Legatum nostrum, eam ob rem quod
Gallos centuriones navibus imponi Rex vellet; quod nostri excusabant ob rituum
disparitatem et alia. Sed puto parendum fore. Interim creditur nunc obsideri Genua,
oppidum ad sui tutelam invalidum, quippe monti
1 Gedrukt Epistolae p. 781.
2 Hij bedoelt natuurlijk de voorgaande maand.
3 o
N . 962.
4 Joris de Bye.
5 Nl. aan Frederik Hendrik wegens de ziekte van Prins Maurits.
6 De eenige dien ik in 1626 als mogelijk opvolger van Carleton genoemd vind is Sir Robert
Killigrew, wiens Latijnsche naam Killigraeus is (Worp, Briefwisseling van Const. Huuygens,
I, 201 en 202). Carleton ging toen wel met verlof, maar werd tijdelijk vervangen door zijn neef
Carleton als agent.
7 De kolonel Ogle, bekend uit 1618.
8 Willem van de Velde; zie p. 421 n. 1.
Hugo de Groot, Briefwisseling van Hugo Grotius. Deel 2