Briefwisseling van Hugo Grotius. Deel 2

427
non habere quoquam monitore ut per eius aequitatem omnes suum obtineant. Sed
scis moris ease σπεύδοντα ϰαὶ αὐτὸν ὀτρύνειν 1 , quod cum ipse nunc per me facere
impedior, patieris te sumi vicarium. sed ea lege ut quicquid mearum virium est mihi
libere imperes.
Tuus
H. Grotius.
Adres: A Monsieur Monsieur Holsteinius chez Monseigneur le Président de Mesmes.
950. 1625 Febr. 25. Aan Jan de Groot 2
.
Dixeram postremis literis 3 mittere me edictum Regis pro subditis Protestantibus et
contra Subizium: id tunc absente me male curatum nunc resarcio, simulque indico
Subizium in Insula esse Olerone apud Sanctonicum littus. Eo ipsum visurus abiit
Mommartinus 4 Protestantium delegatus apud Regem, Regis, ut creditur, iussu pacis
conditiones ipsi offerens: parique de causa ad Rohanium ivisse creditur Bullionius 5 ,
a Comite stabuli 6 missus. Ipse Comes stabuli an in fines aut Mediolanensium aut
Genuensium transierit, nondum exaudivimus, neque de Clavenna capta nuntius
dum advenit, quanquam de successu non dubitatur. Novi iudices aerarii 7 nonnullos
iam suspendio, sed pictos, affecerunt: et videtur res ad transactionem spectare. De
Hogerbetio liberando nihil hic intelligo. De Pontifice Romano nihil tale quale scribis
comperi, sed quod comperi scripsi nuper. De Mansfeldii exercitu magna hic sperantur,
praesertim quia nostri commeatus creduntur superfuturi, defuturi hostibus clauso
Gallico limite. Videtur liber meus 8 sub Francofurtensem mercatum exiturus. Festinatur
enim tribus praelis, ita ut totos dies in legendis speciminibus teram. Misit ad me
hodie Archiepiscopus Normandiae 9 opus suum quo ad Romanensem Ecclesiam
Regem M. Britanniae invitat. In eo quoque nunc occupor. Da veniam festinanti.
Matri, fratri, sorori eorumque coniugibus omnia opto quae optant. XXV Febr.
CIƆIƆCXXV. Lutetiae.
Tuus tibi obedientiss. filius
H. Grotius.
Adres: Erntfeste hooggeleerde wyse voorsyenige Heere Mr. Johan de Groot Raedt
van Syne Gen. van Hohenloo in 't hoff van Sijn Gen. tot Delff. 6 st.
1 Hom. Ilias Θ 293.
2 Hs. Bibl. Friesch Genootschap, Leeuwarden. Gedrukt Epistolae p. 780.
3 Zie p. 425 n. 10.
4 Esaie du Matz, Sr. de Montmartin, met Etienne Maniald député der Protestanten bij den
Koning.
5 De hertog van Bouillon.
6 Lesdiguières.
7 Zie p. 408 n. 5.
8 De iure belli ac pacis; zie p. 254 n. 14.
9 De aartsbisschop van Rouen, François de Harlay. De titel van het boek is: Francisci Harlaei
Apologia Evangelii pro Catholicis ad Iacobum Maioris Britanniae Regem. Lut. Par. 1625.
Hugo de Groot, Briefwisseling van Hugo Grotius. Deel 2