Briefwisseling van Hugo Grotius. Deel 2

41
Quae ad Senecam et fragmenta iam tradideris spero: addes pauca haec 1 quae
postquam illa miseram in mentem inciderunt. Utinam aliquid a nobis in hac multarum
rerum inopia provenire queat amicorum nostrorum auribus non indignum.
De bonorum nostrorum controversia 2 quae egistis valde probo. Verum est quod
dixisti, non addictam a me in perpetuum operam Rotterodamensi civitati: imo
recepisse me ut libera esset discessio, modo ne extra patriam. Sciunt id multi qui
nunc etiam in Senatu sunt Rotterodamensi: et si opus erit accedet publici instrumenti
fides. Nunc satis erit id affirmato poni. Si iudices in eo putant esse τὸ ϰρινόμενον
interloquantur. Omnino monendi sunt Rectores urbis Delphensis ut se nobis
adiungant, imo non possunt id omittere sine summo suorum municipum damno,
quando ex actis apparet a fisci patrono non ius meum civitatis duntaxat, sed ipsius
privilegii 3 vim atque latitudinem in controversiam trahi: nihil autem ea de re contra
nos iudicari poterit, quod non communem municipum causam gravissimo praeiudicio
iugulet. Facite ergo ut Delphenses videant ea quae a Fisci parte dictata sunt, ut
intelligant integrum sibi non esse silentium. Iurisconsultis qui pro re nostra suam
ostenderunt sollicitudinem gratias ago maximas, utinam referre possim.
Isagoge 4 nostra iam describitur. Scribat ad nos frater Reigersbergius ubi venerit.
Ego in vertendis Graecorum Poëtarum sententiis 5 naviter pergo, Ciceronis et Senecae
exemplo. Hymnos 6 exspectabimus: sed scire velim an pastores viderint ante datam
vulgandi veniam. Ubi Bezam Praesidi 7 reddes de Phaenissis 8 cogita, ne Thebani
nostri in spongiam incumbant ut Augusti Aiax 9 olim. Deus O.M. tuis studiis faveat,
atque omnia tibi amicisque aliis salutaria large suppeditet. 10 Ianuarii 1621.
Patri pro literis quas scripsit 7 Ianuarii quasque cum tuis accepi, gratias ago.
Pergite nos rerum quae ad nos pertinent facere certiores. Idem faciat Frater
Reigersbergius.
Tuus totus Frater
H. Grotius.
613. 1621 Jan. 15. Aan B. Aubéry du Maurier 10
.
Christianissimo Regi, sapientissimo eius Consilio, ac nominatim, Vir Illustrissime,
tibi, quantum dici non potest me debere profiteor pro susceptis laboribus ad
sublevandas eas, in quas reipublicae fato incidi, calamitates. Quanquam vero
1 Ook deze observationes ontbreken; zie p. 39 n. 9.
2 Zie p. 23 n. 1.
3 Het privilegie van Albrecht van Beieren van 6 Juli 1394, bij Brandt, Leven I p. 222.
4 Zie p. 26 n. 6.
5 Zie p. 15 n. 4.
6 Zie p. 39 n. 8. Het ‘consent der E. Heeren Burgher-meesteren der Stadt Delff’ is van 4 Jan.
1621.
7 De praeses is vermoedelijk Nicolaas Cromhout, president van het Hof van Holland, van wien
Grotius blijkbaar een exemplaar van Beza geleend had.
8 Een exemplaar van Euripides' Phoenissae.
9 Suetonius, Aug. 85; Macrobius II, 4.
10 Gedrukt Epistolae p. 49. Geadresseerde is de Fransche gezant in Den Haag. Zie over hem
H. Ouvré, Aubéry du Maurier, ministre de France à La Haye. 1853.
Hugo de Groot, Briefwisseling van Hugo Grotius. Deel 2