Briefwisseling van Hugo Grotius. Deel 2

408
mihi numen concedat tui ad imitationem non quid passurus sed quid facturus sim
usque consyderare. Te vero salvum valentemque idem nobis conservet numen, ut
dum tui viventis etiamnum spirantisque cogitationibus se nostris insinuat recordatio,
eximias in te virtutes diu venerari liceat; tam tu me certe ames, uti ego certissime
scio, aliter fieri non posse quin dum earum reverentia sanctiora reddat pectorum
nostrorum penetralia, boni omnes tam generosis excitati calcaribus tecum pro
syncero Dei cultu, pro bono publico, proque bona causa vel acerbissimam mortem
oppetere et lucro et solatio sint reputaturi. Vale. Dabam Lugduno festo divorum
Simonis et Iudae. Anno reparatae salutis CIƆIƆCXXIV.
Tuus ex asse usu ac mancupio
Graswinckel.
Adres: A Monsieur Monsieur Grotius vis à vis l'hotel de Monsieur le Prince au
faulxbourg S. Germain à Paris.
In dorso schreef Grotius: Oct. 1624. Grasw.
929. 1624 Nov. 1. Aan Willem de Groot 1
.
Miror, mi frater, XXI Octobris nullas te adhuc a me literas de morbo meo accepisse:
nam octavo postquam aegrotare coeperam die, scripseram ad te satis accurate;
neque exinde desii te de valetudinis meae statu facere certiorem. Gratias pro summa
mei cura tibi habeo etiam Maeslandio 2 nostro. Paviana ista compositione 3 usurus
non videor: pleraque cordi iuvando sunt qua parte minime laboro. Sed vinum
coralliatum ut praescribit experiar. Sentio redire vires et appetitum. Non sumo cibos
nisi prandio et coena, utor et carnibus et vino. Sed quia manet fluxus alvi, incruentus
quidem et minus frequens, aliquis tamen, bis die iusculum sumo cui inest terra
sigillata, et similibus utor remediis quae intestinis vim pristinam reddant. Magnam
diei partem extra lectum sum et studiis, sed levioribus, tempus fallo. Novi hic nihil:
indies exspectamus ut legati Anglicani signent tabulas nuptiales 4 . Creditur Rex
Galliae non quidem bellum indicturus Hispano, sed adiuturus Britannum pecunia et
delectu militis, quomodo nostris subvenit. In nostrorum usum puto hic conscribi mille
quingentos equites. Magnus hic rumor de duodecim militum millibus quos ex Britannia
ad Bredam liberandam adducturus est Mansfeldius. Inchoata hic inquisitio in harpyias
aerarii 5 : captus e nobilissimis unus. Beaumarchaeus, homo ex infima fortuna ad
regiam opulentiam pervectus, Marchionis Vieuvillani et Vitriaci 6 socer, aufugit in
Hispanicam, ut fertur, Burgundiae partem. Praesidet quaestioni Memmius 7 . Haec
habebam. Vale quam suavissime cum optima coniuge, et saluta quaeso parentes,
sororem
1 Hs. Bayr. Staatsbibl. München, cod. Camerar. 33 f. 457. Gedrukt Epistolae p. 777
2 Een dokter in Den Haag of Delft; ook in n o . 932 genoemd.
3 Een geneesmiddel naar een recept van den Leidschen professor Pieter Paauw.
4 Zie p. 359 n. 6.
5 Beaumarchais, Trésorier de l'Epargne; zijn schoonzoon de markies de Vieuville en hij hadden
in 1622 het aftreden van Schomberg als Surintendant van Financiën bewerkt; thans vielen
zij zelf in ongenade. De zaak wordt in de volgende brieven telkens besproken.
6 De maréchal de Vitri?
7 De president Henri de Mesmes.
Hugo de Groot, Briefwisseling van Hugo Grotius. Deel 2