Briefwisseling van Hugo Grotius. Deel 2

38
ratiocinando refellit, quanquam ea ratiocinatio mihi videtur esse apertior quam multis
putatur. Nam resurrectionis quaestionem ab immortalitate Sacrae Literae non
divellunt. Imo idem valent ἀνάστασις et ζωὴ αἰώνιος ipso Christo docente. Clementis
Romani et in libris quae nomen praeferunt aliqua puto superesse, et si id non sit,
habemus tamen fragmenta eius quaedam, quod mihi sufficit. De Iacobi Epistola
ideo locutus sum haesitanter, quia sunt qui eius scriptorem neutrum putant
Apostolorum: nam fratrem Domini, Hierosolymitanae Ecclesiae primum Episcopum,
illi quidem nec Zebedaei, nec Alphaei filium putant: quamquam mihi quidem magis
hactenus se probat sententia existimantium Iacobum Alphaei eundem esse qui
frater Domini dicatur, natus matre Maria Cleopae. De caeteris aures consulam cum
versus illos in manus sumsero, quod faciam propediem; si quid aliud in mentem
venit, eo quod pertineat, rogo me moneas, ut ei labori ultimam manum imponam.
Dabit autem ut spero aliquam versibus veniam materiae difficultas. Ad D. Erpennium 1
scribam proxime. Contigit enim plusculum libertatis, quanquam id quoque exiguum.
Rogo sciam sub quod tempus editurus sit illa ad passionem ϰατὰ Ματϑαῖον. Nam
quod Scriverius 2 noster iniungit differre non audeo.
Lucam Brugensem, si tibi eo opus est, remittam; si non est retinebo donec
confectis quae nunc destinavi antevertere, notata in Iohannem absolverim.
Balsamone non egebo antequam ad Actus Apostolicos venerim.
Tuus
H. Grotius.
609. 1620 Dec. 18. Aan Willem de Groot 3
.
Mi Frater.
Vos omnes recte valere magno cum gaudio intelleximus ex literis patris, cui
responsum adhuc debemus. Hae interim literae, et illi et matri, et tibi et nostris
omnibus salutem precabuntur et de nostra vos facient certiores. Miseram ad te per
matrem mea annotata ad Passionem ϰατὰ Ματθαῖον, et alios quosdam locos 4 . Addo
nunc explicationem γενεασϑείας 5 apud Matthaeum et Lucam: et duorum praeterea
locorum quorum alter non intellectus est hactenus, alter magno consensu perperam
acceptus 6 , ni valde fallor. Permittes de his quoque iudicium aequis et eruditis tuo
arbitratu. Erpennii opus 7 qui procedat scire cupiam, et quid mihi faciendum amici
censeant. Forte uxor quae nunc it Gorichemum literas a vobis adferet, quibus me
de his aliisque rebus edoceat. Mihi non displiceat tradi schedas de passione D.
Erpennio et Vossio, sub fide praestandae custodiae et hac lege ut me admoneant
quid sine offensa publicari possit: atque ego deinde
1 Zie p. 27 n. 1.
2 Zie p. 29 n. 8.
3 Gedrukt Epistolae p. 761.
4 De annotata zijn, blijkens het vervolg, niet voor Erpenius' uitgave van het Nieuwe Testament
(zie p. 27 n. 1) bestemd. Anders zou Grotius niet schrijven: Mihi non displiceat tradi schedas
de passione D. Erpennio".
5 Cf. 612.
6 Welke bijbelplaatsen bedoeld zijn blijkt niet.
7 Zie p. 27 n. 1.
Hugo de Groot, Briefwisseling van Hugo Grotius. Deel 2