Briefwisseling van Hugo Grotius. Deel 2

356
consilia sequi velle. Quod nuper scripsisse 1 me puto, id agi ut Consilio sanctiori
intersint Angolismensis et Iaius, nondum peractum est. Ego et uxor salutem quam
perfectissimam precamur parentibus, tibi, tuae et amicis. Lutetiae 15 Martii 1624.
Tui amantissimus Frater
H. Grotius.
892. 1624 Maart 29. Aan Willem de Groot 2
.
De ludo literario 3 quae scripsisti, Frater charissime, 18 Martii die, satis mihi placent;
utinam Petri nostri tale esset corpusculum, ut de animo tantum ipsius excolendo
sollicitos nos esse oporteret. Nunc valde nos cruciat debilitatis metus, et cum humana
remedia vix quicquam promittant, ad divinam opem precibus confugimus. Legati 4 e
patria nostra dicuntur hodie venturi Compendium, ubi nunc Rex est cum Aulae
Primoribus et Regina uxore. Princeps Condaeus adhuc emansor est, quia nec
invocatus venire vult, nec Rex adduci potest ut eum vocet. Regina mater ad tempus
aliquod Lutetiae substat. Ego de tribus millibus florenis - nam quod excurrebat
recisum fuit, ne cogerer a Collegio rationalium approbationem petere - partem
alteram accepi in praesente pecunia: alteram assignatis nominibus. Multos et magnos
habeo mihi benevolentes. Sed tricae nummariae commune nunc malum est. Arsenius
non video ut quid hinc sperandum habeat. De Cimbrico negotio 5 scripsi antehac
aliquid mihi apparuisse: propiore scribam et consilia vestra exposcam ubi conditiones
pernovero. Interim cavendum est, ne quid huius a nobis iactetur. Posset enim id
Principem satis irritabilem offendere. Quod ad Peronam 6 acciderat, alii ut
tentamentum patientiae accipiunt, alii incredibile putant de industria ab Hispaniae
Rege Galliae Regem provocatum: itaque propenso ducum in suas partes studio id
malunt adscribere. Rumor aliquis hic fuit Sedanum ire Regem; quod si est, gravem
imponet consultationem viduae Bulionii 7 , pari metu excludat Regem sive includat.
Mansfeldius non multum hic promoturus videtur. Quae Fisci patronus contra
Hogerbetii liberos profert, ad eos pertinent qui fuga poenam eluserunt, non ad eos
quos hic poena tenet. Et sane diversa causa est. Notum illud 8
Exsul ad octavam Marius bibit et fruitur Dis
Iratis: at tu victrix provincia ploras.
In Poppio 9 magnum detrimentum fecit ista Societas. Nam et pietatis et eruditionis
nomine multis antestabat. Doleo et materterae 10 vicem cui ad infelicem
1 Zie p. 351 n. 7.
2 Gedrukt Epistolae p. 775.
3 Een school voor de zoons; zie p. 334 n. 7; p. 337 n. 1.
4 Zie p. 350 n. 2.
5 Zie p. 329 n. 3.
6 Zie p. 350 en 353.
7 Elisabeth, gravin van Nassau, dochter van Prins Willem I, die 15 April 1595 gehuwd was met
Henri de la Tour d'Auvergne, hertog van Bouillon, weduwnaar van Charlotte de la March,
souveraine van Sedan. Haar man was 25 April 1623 overleden.
8 Iuvenalis, Sat. I, 49.
9 De Remonstrantsche predikant Ed. Puppius, die 9 Maart 1624 op Loevestein overleden was.
10 Zie p. 344.
Hugo de Groot, Briefwisseling van Hugo Grotius. Deel 2