Briefwisseling van Hugo Grotius. Deel 2

32
601. [1620] April 17. Aan Willem de Groot 1
.
Mi Frater.
Verum est quod scribis esse quaedam in Fidei Isagoga 2 non omnibus aperta. Sed
meminisse debemus et Lucretium et Virgilium solere sine commentariis legi. Deinde
quid explicandum sit, quid non, vix distingui potuit ob ingeniorum diversitatem.
Videtur mihi posse prima editio, nisi aliud impediat, sine commentariis procedere:
ut et Bertasii Hebdomas, in quam postea commentarii satis luculenti non ab ipso,
sed a Simone Goulartio pastore, ni fallor, Genevensi, accesserunt 3 . Sed amicos in
consilium adhibeto super omni hoc negotio; a quibus velim et diligenter et libere
annotari quae displicent. Scribebam die Dominicae passionis Lupisteni.
Tui amantissimus Frater
H. Grotius.
602. 1620 Mei 10. Aan Willem de Groot 4
.
Mi Frater.
Et tibi et amicis caeteris pro tanta rerum mearum cura non possum non summas
agere gratias. Referat Deus, qui nobis tanto est proprior, quanto nos plura a rebus
humanis adversa obsident. Quae scribis spem ut incertam, ita non spernendam
praebent. Dura est corporis captivitas, animi durior. Neque mihi placet monachorum
mos pollicentium quod praestare nequeunt. Quare promissa conscientiam
illaqueantia, semper ad calumniam patentia, repudianda nobis sunt. Ulcisci ut me
velim, neque religio mea fert, neque amor, quo patriam prosequor. A Republica,
etiamsi libertas detur, abstinendum censeo. Privatus ut me publicis negotiis
inmisceam, nunquam sum commissurus. Tantum studiis meis locum commodiorem,
valetudinisque et solitudinis levamenta quaero. Si Deus det, habebo gratiam. Sin
minus, orabo det parem oneri animum. Tuae res, ut tempora video, voti magis sunt,
quam spei. Sunt et quos repulsa ornat, neque potest grave esse eo carere, quod
magnum bonum non existimes. Caeterum quod hinc scribatur nihil est. Ego in Novi
Testamenti lectione 5 diligens sum, qua in re amicum veterem et fidum oro mihi sit
adiumento. Ego vos omnes, quibus nunc aliter inservire non possum, precibus Deo
commendare non desino: quod velim significes optimae matri, fratribus, sororibus,
et quicunque nos amare non desinunt. X Maii CIƆIƆCXX.
Tuus Totus
H. Grotius.
1 Gedrukt Epistolae p. 760.
2 Bewijs van den waren godsdienst; zie p. 26 n. 6.
3 Les deux semaines de G. de Salluste, Seigneur du Bartas .... avec les annotations, sommaires
et explications de Simon Goulart. 1591.
4 Gedrukt Insignium virorum Epistolae ex bibliotheca J.G. Meelii p. 12; H. Grotii Epistolae sex,
ed. A. Stolker p. 6. Rogge 427 vermeldt dezen brief als aan Willem de Groot gericht, en onder
n o . 435 als aan Nic. van Reigersberch geadresseerd. In zijn handexemplaar corrigeert hij
den naam van den geadresseerde. Cf. p. 27 n. 6.
5 Zie p. 27 n. 1.
Hugo de Groot, Briefwisseling van Hugo Grotius. Deel 2