Briefwisseling van Hugo Grotius. Deel 2

345
minime mali putantur. De Fridericopoli 1 siquid habetis scire aveo. Intelligo tardos ibi
progressus esse. Ego si qua spes esset non infructuosae operae, Hamburgum,
Rostochium aut alias in eo tractu urbes non contemnerem. Sed offere me ultro multis
de causis reformido. Accepi ab optimo sene Hogerbetio literas 2 . Rescribam post
aliquot dies. Valde tangor eius malis, quibus utinam aliquid a me esse posset
levamenti. Petrus noster minus male habet. Sine febri esse videtur et hydrops abit.
Melvinus timet ne haec morborum genera nervos alicubi laeserint. Tamen chirurgi
meliora sperant. Pontificis Legatus valde adversatus est Cancellario et Puyssiaeo,
ob pacem cum Reformatis procuratam. Sunt qui putant Seguiranum Iesuitam qui
Regi est a confessionibus 3 ex Aula remotum iri. Lutetiae 16 Februarii 1624. Salutate
quaeso matrem, et nostros vestrosque omnes.
Vester
H. Grotius.
885. 1624 Febr. 22. Aan B. Aubéry du Maurier 4
.
Nihil mihi dulcius est, Vir Illustrissime, quam aut ad te scribere aut abs te scripta
legere. Quorum illud me officii mei conscientia, hoc vero amicitiae desideratissimae
sensu solatur. Et habet mea aut fortuna aut animi imbecillitas opus huiusmodi
subsidiis. Quo magis debitor tibi sum tum pro aliis, tum pro postremis literis. Sed te
quidem in huius commercii infrequentia summae occupationes non excusant, sed
defendunt. Me nihil tale, sed modo mens sub adversis aliquantulum fatiscens,
saepius vero materiae defectus. Nam quae publica sunt melius norunt alii; privata
aliorum ignoro, nisi mea, quae interdum talia sunt ut amicis scribi non debeant, nisi
eos velimus reddere tristiores. Nunc tamen hoc habeo, quod nuntiem, me a Sigilli
custode 5 optima omnia ut regno ita et mihi sperare. Ita iubent ut verba eius ita
omnibus cognita eius probitas. Hic duorum 6 , qui gratia et aula evoluti sunt, ruina
multos amicorum tractura videbatur. Sed incipit is rumor et metus evanescere, nec
ullae nunc res novae exspectantur extra ... 7 . Ego, quod potui, feci, ut sigillorum
Custodem vera edocerem de his, quae mihi sunt cognita. Scio et ipsum et
Beauclerquium 8 honorificam mei fecisse mentionem apud Regem, qui omnia negocia
ad se revocare incipit. Eventum Deo committamus, cuius clementiae te, Vir
Illustrissime, tuamque uxorem et liberos mea uxore apprecante commendo. Lutetiae.
22 Febr. 1624.
1 Friedrichstadt, zie p. 115 n. 7.
2 N o . 866.
3 Zie p. 344 n. 1
4 Gedrukt Epistolae p. 72.
5 Et. d'Aligre.
6 Nic. Brulart de Sillery en Puissieux; zie p. 326 n. 3.
7 Waarschijnlijk is hier een passage uitgelaten, die over het terugroepen der gezanten handelde.
8 Zie p. 337 n. 8.
Hugo de Groot, Briefwisseling van Hugo Grotius. Deel 2