Briefwisseling van Hugo Grotius. Deel 2

30
orae quae in mentem veniebant, modo aliud agenti, modo dormitanti; neque aut
Festus mihi erat, aut Nonius ad manum, quo minus mirari debes, si aliquoties
impegerim. Rogo me saepissime de studiis tuis certiorem facias, meaque studia
adiuves praecipue libere monendo, qui primus est amicitiae fructus. Uxori tuae
liberisque omnia salutaria precor. Vale ϕιλίας ἄνϑος 19. Martii Lupisteini 1620.
Tuus totus
H. Grotius.
600. 1620 April 12. Aan Willem de Groot 1
.
Carmina mea 2 , mi Frater, satis habent, si suo tempore excusentur. Unde enim mihi
iste spiritus, quem Poësis supra omne scripti genus desiderat, cui ne libera quidem
aura frui datur. Caeterum in rerum dispositione usus sum iudicio quanto potui
maximo. Multa argumenta minus firma, multa testimonia fidei suspectae omisi; nec
quicquam scripsi, nisi quod et verum crederem, et cuius fidem me sperarem facere
posse ingeniis non contumacibus. Omnibus placere nemini hactenus concessum
est; nedum ego id sperem in tanto calumniae regno. Caeterum quae putas obiici
posse et obiectum iri non nego, apud aequos iudices non egent magno patrocinio.
Res ipsa loquitur me non explicare dogmata Christianae fidei Christianis, sed hoc
agere ut impii, Ethnici, Iudaei, Mahometistae agnoscant
1 Gedrukt Epistolae p. 760.
2 Bewijs van den waren godsdienst; zie p. 26 n. 6.
Hugo de Groot, Briefwisseling van Hugo Grotius. Deel 2