Briefwisseling van Hugo Grotius. Deel 2

330
conspirante in eius tutelam Cancellario 1 et Sigilli Custode 2 . Rex militem
extraordinarium dimittit, veteres centurias quae id fuerant quod dicebantur, ad
tricenarium numerum militum accidit. Aliud habemus nihil. Ego in opere meo 3 strenue
pergo. Vale, parens optime et frater carissime, cum vestris nostrisque omnibus.
Lutetiae 21 Ianuarii 1624.
Rogo frater Maurerio hanc det epistolam 4 : quae nuper quia tempus me deceperat
curata non est. Scire velim an mansurus sit Falcoburgius 5 , an huc rediturus, et
quando et siquid tale. De Drentiano negotio 6 velim frater meminerit.
Tibi obedientissimus filius
H. Grotius.
873. 1623 Jan. 21. Aan B. Aubéry du Maurier 7
.
Rarius ad te scribo, Vir Illustrissime, ideo quod argumentum aut nullum est aut non
tale, quod tractatum iuvet. Nam in publicis negotiis nihil agi video. Privata etiam
maxime eminentium nihil habent certi, sed perpetuo quasi aestu feruntur. Ecce 8 ...
quasi ab aula non satis remotus ... Parant se itineribus novi Legati. Sed ... mire
refrigeratum intelligo et de spe quam totam imbiberat dubitantem. Multi et magni
sentiunt te hoc rerum statu ... amoveri non debere a percognitis rebus, quae si
unquam, hoc certe tempore veteranum potius quam tironem requirunt. Sed et ... de
pecunia regia ad nostros missa antehac, tua sine partu valde te facit favorabilem.
Scio quam tua non intersit ubi vivas, tamen qualecumque hoc est, cum te, quanquam
propter alios magis, quam propter te, contingat, duxi non silendum. Praesertim cum
auctores haberem et bonos et rerum gnaros. Ego et uxor tibi tuaeque coniugi et
liberis omnia optamus, quae summa Dei benignitas potest concedere. Lutetiae. 21
Jan. 1624.
874. 1624 Jan. 26. Aan Jan de Groot 9
.
Literas, Parens optime, a te, fratre ac matre, XV scriptas huius mensis recte accepi,
et pro his quae nuntiantur quamquam tristia sunt pleraque gratias ago. Ex quo
postremo ad te scripsi vidi novum sigilli Custodem 2 futurum Cancellarium, si ei qui
nunc est 1 supervivat. Is mihi pollicitus est plura quam spera-
1 Nic. Brulart de Sillery; zie p. 326 n. 3.
2 Et. d'Aligre.
3 De iure belli ac pacis; zie p. 254 n. 14.
4 N o . 873.
5 Zie p. 261 n. 1.
6 Zie p. 165 n. 9.
7 Gedrukt Epistolae p. 72.
8 Er zijn in het volgende door de uitgevers van dezen brief - in de Epistolae ad Gallos -
verschillende namen en woorden uitgelaten, zooals ook in andere brieven aan Du Maurier.
Het is duidelijk dat Grotius spreekt over de verandering in de Fransche politiek, die met het
aftreden van Sillery (zie p. 326 n. 3) ingeleid was.
9 Gedrukt Epistolae p. 772.
2 Et. d'Aligre.
1 Nic. Brulart de Sillery; zie p. 326 n. 3.
Hugo de Groot, Briefwisseling van Hugo Grotius. Deel 2