Briefwisseling van Hugo Grotius. Deel 2

329
Bernegger totus tuus est, et te cum affectu salutat; hoc uno cruciatur, quod propter
scholasticas occupationes non satis temporis habet ad ea conficienda, quae molitur.
In Britannia videtur res aliam faciem nactura, senis torpor ardore iuvenis nondum
excuti potuit: spes tamen est fore locum aliquando sanioribus consiliis, postquam
Hispanicae artes patent. Sed haec mitto, potius operam do, ut Deo obsequi possim,
et aequo animo quae coelestis parens immittit sustineam. Vale decus meum.
Argentorati 12 Ian. 1624.
Tuus
G.M. Lingelshemius.
872. 1624 Jan. 21. Aan Jan en Willem de Groot 1
.
Oculi, mi Pater, ac Frater, valent rectius. Pro literis quas dedistis ipsis novi anni
Calendis, proque voto quantas possum ago gratias. Rogo autem ut quoties aliquid
occurrit lectu dignum, eius me aut ipsi edoceatis aut operam detis ut per alterum
fiat. Ea enim ex re mea hic existimatio non minima ex parte pendet. Custodem
sigillorum nunc factum Aligrium 2 conveniam ubi a primis salutantium undis liberas
aedes habere coeperit. Videbimus an usui mihi sit futura eius amicitia. Interim siquid
se spei bonae ἀπὸ Κίμβρων ἢ ἐπιθαλασσίων πόλεων τινος 3 obtulerit, deliberabimus.
De Irenopoli 4 enim multi non bene ominantur, verentes ne fiat πονηρόπολις, qualem
Philippus Macedo olim condidit 5 . Sed tamen ne huic quidem negotio praeiudicandum
est. Eobaldo Dussenio felicem precor reditum ad honores quasi postliminio 6 .
Mansfeldium iam excessisse agro Oostfrisiae intellexeram et partem copiarum
caesam. Hac quoque de re certius velim edoceri. Petrus noster totus adhuc in malis
suis iacet, corpore partim suffuso, partim extabescente, ita nihil eius valeat praeter
cor et caput, quod ipsum graviores ei dolores facit. Deus illum et nos respiciat
misericors. Cupum 7 saepe monui ne in patriam iret. At ille ad Penelopen suam
trahebatur. Discemus ab hoc experimento ecquid aequitatis ab Amstelodamensibus
contra edictorum rigorem sperari debeat. Bredana illa motio 8 mali est exempli in
Republica pridem nullo tali morbo laborante. Siquid ultra acciderit perscribi ad me
velim. Et urgeri Hillebrandum 9 : est enim tardiusculus. Pecuniam a Nicolao
Reigersbergio accipere poterit. Spes hic est matrimonium Angli cum Hispana 10
evaniturum. Nam et qui in utriusque Aula gratia pollent inter se dissident, et
restitutionem Palatinatus urget Britannus aliquanto quam ante calidius. Hic pacem
firmam habemus,
1 Gedrukt Epistolae p. 772.
2 Zie p. 326 n. 3.
3 Κίμβροι is Denemarken; zie p. 299 n. 3. ἐπιϑαλάσσιοι πόλεις Hamburg, Bremen enz.; zie p.
341.
4 Friedrichstadt in Holstein; zie p. 321 n. 3.
5 Plutarchus, Moralia 520 B.
6 Eewout Jacobsz. van der Dussen, die in Delft in de regeering zat; zie p. 324 n. 4.
7 Zie p. 325 n. 2.
8 Zie p. 321.
9 Misschien Hillebrand Pieters, een expediteur in Rotterdam, die ook in de Brieven van Maria
van Reigersberch (p. 247) voorkomt; zie p. 157 n. 3.
10 Zie p. 76 n. 3.
Hugo de Groot, Briefwisseling van Hugo Grotius. Deel 2