Briefwisseling van Hugo Grotius. Deel 2

328
870. 1624 Jan. 12. Aan Willem de Groot 1
.
Cum dolore intellexi Cupum 2 in manus venisse. Significavit id mihi Episcopius, nam
a vobis nihil nunc ac ne exacta quidem hebdomade accepi. Doleo autem eo magis,
quod mihi semper vir bonus ac simplex visus est. Si quid tamen ex malo alieno tam
gravi boni sperare fas est, habeo hic aliquid quod me soletur. Nam si qui de ipso
sunt iudicaturi sua aut publici interesse putaverint ex eo de me sciscitari, comperient
haud dubie me semper ab omni vi factiosisque consiliis fuisse alienissimum, amantem
pacis et Christianae patientiae. Sed de his Deus providebit.
Hic interim data sunt sigilla Aligrio 3 , quem virum egregium et bonarum partium
omnes praedicant. Inveniam qui me ipsi commendent. De bello ac pace interna
rumores hic ambigui. Certe imminuta Cancellarii 4 auctoritas multum de pacis
securitate demit. Scripsit ad me Lingelshemius 5 Argentorato. Ex Stobaei editione 6
cognovit de sex libris Belgico carmine 7 a me scriptis; et Catechesin filio scriptam
Belgice 8 vidisse se memorat. Utriusque poscit exemplum, qua in re illi gratum facere
velim. Sed opus habeo a vobis adiuvari. Velim ergo exempla, ad me bina utriusque
libelli mittantur. De decreto etiam quodam Traiectino temporum Licestrii 9 velim
memineritis. Vale, mi Frater, et parentes atque amicos saluta. 12 Ianuarii 1624.
Tui amantissimus Frater
H. Grotius.
871. 1624 Jan. 12. Van G.M. Lingelsheim 10
.
Amicorum eximie et optime. Est ita, ut dicis: exigit fortuna nostra utriusque mutua
solatia, ideoque mirifice me recrearunt literae tuae XVII Dec. datae, ad quas accessit
Tileni nostri suavissima compellatio. Praecipue placuit, quod vos ὁμοστέγους cognovi;
confido itaque hunc vestrum convictum redundaturum in publica commoda. De
Annalibus tuis, ita est, ut dicis: Periculosae plenum opus aleae 11 , si sermones et
invidiam metuis, quam experti omnes eximii. Tu tamen urge opus, et fac ut posteritas
te laudet, quidquid livor praesentem urat.
1 Gedrukt Epistolae p. 772.
2 Zie p. 325 n. 2.
3 Zie p. 326 n. 3.
4 Nic. Brulart de Sillery; zie p. 326 n. 3.
5 o
De brief van Lingelsheim is niet bekend, wel Grotius' antwoord daarop, n . 864.
6 Stobaeus; zie p. 15 n. 4.
7 Bewijs van den waren godsdienst; zie p. 26 n. 6.
8 ‘Catechesis scripta Belgice’, is, als ik in p. 220 n. 9 uiteengezet heb, ‘Vraghe en Antwoordt
over den doop’, geschreven voor zijn dochter Cornelia. De vertaling in het Latijn heet:
Baptizatorum puerorum institutio, en hier wordt een zoon sprekend ingevoerd. ‘Filio’ is dus
of een fout van de uitgevers, of een vergissing van Grotius zelf, voor ‘filiae’. De Latijnsche
vertaling was in 1623 nog niet gedrukt.
9 Zie p. 344 n. 4.
10 o
Gedrukt Epistolae ecclesiasticae p. 935; Reifferscheid, Quellen I ü. 182. Antwoord op n .
864.
11 Horat., Od. II, 1, 6.
Hugo de Groot, Briefwisseling van Hugo Grotius. Deel 2