Briefwisseling van Hugo Grotius. Deel 2

322
et ipsi solliciti sunt de hoc negotio. Clementiae vix potest esse locus, quia incolae
pagi in defensionibus suis auditi fuerunt, sed repulsam tulere; quid igitur? an per
tumultum consequentur, quod recta via non potuerunt? Neque severitati locus
videtur, ne transfugiis reorum ostia Mosae hostibus aperiantur. Perendie diem ieiunii
celebrabimus. Faxit Deus ut patriae nostrae rectores, siquid restat dissidii, placide
componant. Libellus a Remonstrantibus oblatus est Ordinibus Generalibus 1 triginta
circiter pastorum subscriptionibus munitus, item alius Ordinibus Hollandiae et Principi
Mauritio, qui illuc se refert: sed necdum quid super ea re constitutum est neque
brevi constituendum videtur.
Dominus Milius 2 impetravit, ut per totam Hollandiam, quocunque velit, libere
commeare possit, dummodo Bevervici fixum habeat domicilium. Ubi certo rescivero
quid Erpenio animi sit, quod de tuis chartis iubes 3 curabo. Americanae Societatis
directores magnam classem propediem illuc mittent, siquid certi intelligimus super
ea re id vos non celabimus. De Drentiana lite 4 hac septimana aliquid intellexi, nimirum
in utraque Drentianos superiores fuisse; constitui itaque epistolam ad Echtenum,
quem iam Groningae esse scio, mittere, ut ne tui obliviscatur, ita tamen ut decorum
observem. Falcoburgius 5 in magna apud Principem gratia est, quibus maxime utatur
amicis ignoro sane, siquid intellexero scribam; putant aliqui ipsum Arausionem redire
nolle. Corneliae uxor mea pro litteris gratias agit alias rescriptura. Uxori tuae ego et
mea commendari volumus, salutant vos avunculus et cognatus Overschiacus,
Losecatius cum uxore, variique amici. Delphis. 11. Decembri 1623.
Tibi obedientissimus frater
Guilielmus Grotius.
Adres: A Monsieur Monsieur Grotius, rue de Tournon, vis à vis l'hostel de Monseig r .
le Prince de Condé A Paris.
In dorso schreef Grotius: 11 Dec. 1623 W. de Groot.
864. 1623 Dec. 18. Aan G.M. Lingelsheim 6
.
Vir optime atque amicissime!
Sollicitum me diu habuit, quod nullas a te literas acciperem, eoque magis, quo
magis fortuna utriusque nostrum mutua exigit solatia. Tandem, quas mense Iulio
scripseras literas, eae hoc demum mense Decembri redditae mihi sunt, et me, quod
cupiebam maxime, certum reddiderunt permanentis in te eius, quem semper mihi
praestitisti, affectus. Ego certe, cum tua incommoda cogito, haud secus quam meis
afficior, meque exemplo tuo ad omnia fortiter ferenda excito. Catechetica mea 7 hic
nec habeo, nec alterum opus adversus hostes Christiani
1 Zie p. 321 n. 4.
2 Cornelis van der Myle.
3 Zie p. 295 n. 7; p. 313 n. 5.
4 Zie p. 252 n. 5; p. 273 n. 2; p. 274 n. 9. Over van Echten zie p. 252 n. 6; p. 273 n. 2.
5 Zie p. 261 n. 1.
6 Hs. Kon. Bibl. Kopenhagen. Gedrukt Reifferscheid, Quellen I p. 179. Beantw. door n o . 871.
7 Vraghe en Antwoordt over den Doop (Rogge 314 vv.); zie p. 220 n. 9.
Hugo de Groot, Briefwisseling van Hugo Grotius. Deel 2