Briefwisseling van Hugo Grotius. Deel 2

320
861. 1623 Nov. 22. Van Andr. Schottus 1
.
D. Hugo Groti, S.
Dici vix potest quam libenter in tuis legi valere Te in illo coelo et satagere in
Domino, et in adverssis extraque patriam praesenti esse animo: nobiscum quoque
Dei benigtate meliuscule est, beneque aetatem porto sine morbis.
Consolatur Te, ut spero, Deus per Spiritum Sanctum, qui est consolator optimus,
dulcis hospes animae, dulce refrigerium. Vana etenim omnia extra Deum, ut pueri
bullas in auram evanescentes consectamur. B. Augustini Confess. libellum ut
identidem relegas rogo, commodo tuo. Scintillas enim coelestium suspiriorum ac
gemitus eiaculatur, ut non vidisse semel sit satis, immorari etiam iuvet. Vocat ille
nos in patriam ab exilio, sed coelestem. Vita enim qua vivimus mors est potius, ait
Tullius, existimanda. At noster municipatus in coelis est ubi beati gaudio perfruuntur
sempiterno. Io. Stobaeum 2 conferre coepi, etsi non est meus codex antiquissimus,
tamen ut C. Plinius alibi, proderit fortasse nonnihil; mittamque tempori dum Stobaei
Philosophica et Apophthegmata adornas, bono publico, ut opto. Audio Lutetiae
Plutarchum quoque Chaeronensem Gr. Lat. adornari typis post Cl. Marnii editionem
Francofurtensem 3 . Sed hic ad Opuscula Moralia desiderari video G. Xylandri
uberiores notas in Homeri vitam et De poetis audiundis, quas Io. Oporinus olim
Basileae edidit anno MDLXVI. Hortare per amicos, ut Salmasium adiungant istic
Parisienses; exemplum forte in Aug. Thuani reperient augusta bibliotheca, aut alibi.
Libanii quoque Sophistae Epistolas ἀνεϰδότους iampridem promisit Freder. Morellus,
regius professor, post Declarationes eiusdem (in fol.) et Orationes (in 8 o .) evulgatas,
et e Vaticana accepit plures quam ex Augustana et nostra bibliotheca, qui duplex
nactus sum exemplar, quorum altero vetere ille diu est usus, sed nihil editum apparet.
Quam vellem Te hortante maxime tandem aliquando Epistolas Libanii extruderet,
cum eius vita, quam legi nondum Latinam factam in Ferrariensi editione (in 4 o ), et
a me Morellus ea conditione legeque habet, ut publici iuris tandem faciat. Certe
Libanii illa vita ad Basilii ἅπαντα, et Io. Chrysostomi prodesset, quibus est usus
perfamiliariter. Ut et Chrysostomo magistro est usus Isidorus Pelusiota, cuius
Epistolarum a nobis recens erutarum exemplar alterum mitto per cognatum meum,
qui has litteras tradet, Davidem Haecx, Romam Lutetia tendentem; nam alterum
exemplum per Do. Hemelarium ad te missum forte non est redditum. Consule boni,
etsi interpretari vacet in otio, tibi uni concedam lubens, et illo auctore te, si pateris,
ad magistrum Chrysostomum aurei oris invitabo ut illustres, ut Casaubonus fecisset,
nisi si fata in medio cursu abripuissent, ut et lautam accessionem Isidoro fecit Conr.
Rittershusius I.C. egregius post Billium, quae omnia uno fasce colligere et edere
non recusabit Cramoisius istic typographus. De Tragicorum Comicorumque
fragmentis a Th. Cantero collectis, et a nobis Roverio commissis perge urguere,
abes enim propius, ut vel excudant heredes, vel si detrectent
1 Hs. Bibl. Roy. Brussel, hs. II, 752 p. 26. Gedrukt Muséon, Nouv. Sér. XI (1910) p. 243. Zie
voor het juist begrip van dezen brief n o . 845 en n o . 860.
2 Zie p. 301.
3 Frankfort 1599. 2 dln. f o .
Hugo de Groot, Briefwisseling van Hugo Grotius. Deel 2