Briefwisseling van Hugo Grotius. Deel 2

315
cum scribendi mihi copia Hagae fuit adempta. Continet enim is titulus illius temporis
expressum characterem, Prolegomena autem ista Campiniaco et aliis istarum
literarum gustu praeditis non improbantur; ut nec ad Cancellarium 1 epistola, cuius
exemplum in libri antecessum tibi mitto, ut et tu et si qui illic sunt boni iudicetis, an
aequo gravius quicquam a me dictum sit in illos, qui post omnia humana mihi erepta,
sanguinario suo edicto mortis quoque periculum mihi intentant. Utinam vero liberorum
tuorum studia mea opella aliqua promovere possit, nullibi certe utilius ea possit
impendi. Quod, cum locorum spatia mihi invideant, vigilantissimo praeceptori eos
commendo, ac praecipue boni omnis auctori Deo. Idem te, nobilissimamque uxorem
et omnem familiam, diu sospitet; quod mecum mea precatur, et pro affectu in se
liberosque suos gratias agit summas. Lutetiae, 1623. 2 Nov.
857. 1623 Nov. 3. Aan Jan en Willem de Groot 2
.
Et tibi, Pater optime, et fratri quantas possum habeo gratias, quod quum potestis
saepissime ea quae apud vos geruntur mihi nuntiatis. Nam cum meum negotiolum
adhuc inconfectum - quanquam spei magna datur copia - saepiuscule me in aulam
protrudat, interest mea ut sermonis serendi aliquam habeam materiam: quod per
vos et habuisse me gaudeo, et porro, si quid evenerit, habiturum confido. Neque
exspectare debetis ut paria reponam. Hic enim quod novi habeamus nihil optimum
est eorum quae dare potest tempus praesens. Signum enim id est altae immotaeque
pacis quam Cancellarii 3 sapientiae debere se omnes profitentur. Non omnia quae
Salaicae via 4 misisse aiebatis accepi: quaedam in horas exspecto. Sed pervenerunt
ad me, quod et antehac significasse arbitror, exempla donationum, quibus inspectis
idem quod ante pronuntio, nimirum per crimen, ex quo alienatio in fiscum iure
sequeretur, rem rediisse in eum statum quasi donatum nihil esset, evanescente
scilicet conditione, quae donationis vim sustentabat. Nec me hinc dimovet Feudi
haereditarii vox, quasi in eo tacite filiorum, donatarii, qui in feudali materia haeredes
eximie vocantur, facta sit mentio: quia ex moribus nostris satis manifestum est
qualitatem illam non in hoc adiectum, sed ut feuda ista apparerent non sequi strictam
Hollandici feudi naturam. Siquae tamen rationes novae allatae fuerint pro altera
sententia, quam veram esse malim, libenter eas expendam et si potero adiuvabo.
Apud nostros video nulla re magis opus esse quam pecunia, quae si veteribus
numeris alendis sufficit, certe sustentandis et Mansfeldii copiis par esse non potest.
Bethlehemum Gaborem movere arma pro comperto hic habetur: et sub eius ac
Palatini 5 nomine forte aliquid aget Turca, quem ne per se quid faciat pax impedit
icta cum Imperatore. Rumor hic est inter nostros et Anglos calere dissidia ob naves
in Anglicanis portubus a nostris obesssas. Cornelia nostra ex papulis haud ita graviter
aegrotat, Paetrus miserrime, nec sine periculo hactenus:
1 Nic. Brulart de Sillery, aan wien het boek opgedragen is. Zie n o . 831.
2 Hs. U.B. Leiden, cod. Pap. 2.
3 Nic. Brulart de Sillery.
4 ‘Per Zeepost’.
5 De Winterkoning.
Hugo de Groot, Briefwisseling van Hugo Grotius. Deel 2