Briefwisseling van Hugo Grotius. Deel 2

312
induciarum tempore literas a Rudolpho Imp. ad Ordines Foederatos venisse.
Quomodo inscriptae fuerint haud satis memini, rogo inquiras. Adversus ius Imperii
in Geldriam, Traiectinam et Transisalanam vix est quod dicatur: ac vel ob id unum
semper cavendum putavi, ne Maiestatis Hollandicae iura cum vicinis confunderentur.
Forte hoc restabit effugium, ut dicantur populi isti a Germania habiti pro derelicto
cum ab Hispanis male tractarentur.
In Vossii libro 1 quem transmisit frater summam diligentiam admiror: sed et illud
quod nullum ab Heinsio encomium, et quod Cunaei mentio honorifica in libro non
supra meritum, sed apud alios invidiosa. Meursium 2 si videris, rogo salutes et dicas
omisisse me ad ipsum scribere, ne malum ei crearem satis suspecto apud rerum
potentes: tum vero ut explores ecquid habeat quod ad Stobaeum pertineat. Siqua
apud vos nova tributa indicuntur, velim id quoque intelligere. Non nescio grave
nostris bellum esse. Sed apud hostes quoque perpetua est inopia ob pravam aerarii
administrationem. Aliquid est quod sine noxa abiit nostris annus hic, tanto
Hispanorum et Imperatoris apparatu. Hic in Gallia curatius quam antehac habetur
aerarium, et spes est vere proximo aliquid pecuniae ad vos venturum. Protestantes
hic a Rege benigne tractantur, data illis a Regio fisco pecunia alendis pastoribus.
In Synodo Nationali quae Carentoni 3 habita nunc est sine ullo examine probati sunt
Canones iidem qui Dordrechti et Alesiae antehac. Sed vetuerat Rex aut
Dordrechtanae aut Alesianae Synodi ullam fieri mentionem. Ita vocabulo mutato
res manet. Interim neque Corvino Molinaeus 4 , neque Tileno 5 quisquam respondet.
Matrem, fratrem, sororem cum cognatis et amicis omnibus ex animo saluto. Lutetiae
21 Octobris 1623.
Rogo literae istae mittantur ad Nic. Reigersbergium. Si ubi divertat nescitis, mittite
ad Iustum Brasserum, is curabit 6 .
Tibi obedientissimus filius
H. Grotius.
1 G.J. Vossius, De historicis Graecis libri quatuor, dat dit jaar bij Maire te Leiden uitkwam. Voorin
een Latijnsch lofdicht van Petrus Cunaeus. Zie Petit, Bibliogr. Lijst p. 169 n o . 13.
2 De Leidsche professor Johannes Meursius, over wien zie I, register. Als oud-gouverneur van
de zonen van Oldenbarnevelt was hij bij de regeeringspartij verdacht. Zie ook Molhuysen,
Bronnen Leidsche Universiteit II p. 127*.
3 Zie Le Vassor, Histoire II p. 570.
4 Over de polemieken tusschen Corvinus en Molinaeus zie n o . 736.
5 Tilenus had tegen Milletière geschreven; zie p. 125 n. 2.
6 Zie p. 323 n. 4.
Hugo de Groot, Briefwisseling van Hugo Grotius. Deel 2