Briefwisseling van Hugo Grotius. Deel 2

305
tui scilicet ut meminerim, ipsa librorum tuorum inspectio singulis prope momentis
me admonet. Pro quo beneficio si nunc ego tibi prolixe gratias agere instituam,
faciam quidem quod debeo, sed quod tu minimum desideras: imo vero faciam, quod
non debeo, quia quod tu non cupis, id me nec facere par est. In Balagniaco loci
dominus 1 exspectabatur: ea res fecit, ut Silvanectum secederem, ubi idem est aër
innocens atque hilaris, et multa circum locorum amoenitas. Heri litteras accepi a
maiore fratrum Puteanorum 2 , qui mihi non cessat bene velle ac facere. Ego fortunam
meam in hoc accuso maxime, quod mihi nihil reliquit, quo adversum tot amicos
gratum animum possim ostendere. Sed ea qualiscunque est, concoquenda est.
Vale, Flos Iuventutis. Dabam Silvanecti, 7 Augusti 1623.
848. [1623] Aug. 19. Aan F.A. de Thou 3
.
Misit ad me heri, Thuane nobilissime, Hottomannus 4 literas quas rogavit curarem
ad Puteanum 5 nostrum deferendas. Haec res facere me coegit quod saepe facio,
tibi ut sim molestus, et quod officium per me praestare non possum id tuo beneficio
praestare quaeram. Scripsissem simul ad V.C. Puteanum ac participem fecissem
eorum quae apud nos geruntur; sed nihil plane literarum ex patria accepi: quod me
male habet, non tam ob publica negotia de quibus ut edocear mea nihil admodum
refert, sed quod proximorum valetudo mihi incognita sollicitum me habet. Sed in
hac re ut in aliis multis solabitur me bona Dea, quae sola in Pandorae pyxide
resedisse memoratur, cum avolassent aliae. Scribit Hottomannus peractum negotium
de pactis nuptialibus inter Britannum et Hispanum 6 , ex Britannia imperatum Palatino 7
ut induciarum pactioni subscribat; Pontificis Romani 8 electionem tardius procedere
quod Galli Cardinales exspectentur. Praeter haec habeo nihil nisi quod tibi, V.A.,
affini tuo ac sorori omnia fausta apprecor. Silvanecti XIX Augusti CIƆIƆCXXII.
Tuus tibi addictissimus
H. Grotius.
Adres: A monsieur Monsieur de Thou à Merli.
849. 1623 Aug. 26. Aan J. Hotman de Villiers 9
.
1 Henri de Mesmes; zie p. 292 n. 7.
2 Pierre Du Puy. Zie n o . 846.
3 Hs. Bibl. Nat. Parijs, fonds Dupuy 583 f. 30. Gedrukt Epistolae p. 68. De brief is van 1623,
toen Grotius te Senlis woonde.
4 Jean Hotman de Villiers; zie p. 295 n. 11.
5 Pierre du Puy.
6 Het huwelijk van den Prins van Wales, den lateren Koning Karel I, met de Spaansche Infante,
dat ten slotte niet tot stand kwam.
7 De Winterkoning.
8 Maffeo Barberini werd 6 Aug. 1623 tot Paus gekozen en nam den naam Urbanus VIII aan.
9 Gedrukt Hotomanorum Epistolae p. 412.
Hugo de Groot, Briefwisseling van Hugo Grotius. Deel 2