Briefwisseling van Hugo Grotius. Deel 2

299
Multi hic arbitrantur Principi Arausionensi propositum tenere se intra curam
tuendorum finium. Mursa exiguum nimis mihi videtur, quam ut in ea hostis copias
et tempus absumat. Utinam aliquid obtineat Modaeus 1 . Adest nunc nobis Hogerbetius
nuper antiquum obtinens, a quo nihil est praeter vota, quod parentem iuvare possit.
Quod a Pynackero 2 dici scribis plane est commentitium. Suspenditur hic omnium
honorariorum solutio: quae res et consilium parcendae pecuniae regni sollicitum
me habet. Siquis Principum qui mihi tutando et honeste alendo par sit, puta Danus 3
Saxo, aut similis operam meam desideret, rem dignam putem de qua cogitetur.
Nunc omnes mei obliviscuntur, quia me a maximo rege occupatum putant. Amisi
amicos magnos; qui nunc rerum potiuntur bene mihi volunt, sed nimium multa habent
quae agant, ego autem interpellator non sum. Saluta officiosissime parentes,
coniugem tuam, sororem cum marito, avunculum, materteram, omnesque agnatos,
cognatos, affines, amicos. Salutant vos uxor mea et qui hic sunt amici. Recte valemus
omnes. XII Iulii CIƆIƆCXXIII. Balagniaci.
Tuus tui amantissimus Frater
H. Grotius.
Adres: E. hoochgeleerde wyse voorsyenige Mr. Willem de Groot, doctor in de
Rechten, advocaet voor den Hove van Hollant in 't hoff van den Graeff van Hohenloo
tot Delff.
In dorso schreef Willem: Recepta 22 Iulii 1623.
Daaronder: 6 st.
843. 1623 Juli 17. Aan J. Hotman de Villiers 4
.
Satis dignas gratias agere tibi non possum. Vir Nobilissime atque clarissime, quod
et mihi amicum te optimum et filiolae meae 5 parentem alterum praestas. Memini
apud Ciceronem 6 legere me: ‘arbitrio suo quemque timere oportere’. Quare
concedemus hanc libertatem puellae nostrae, ut subducat se, si non periculo, certe
formidini, praesertim cum in ipsa formidine aliquid sit periculi. Non ignoro quam ei
sit salutare sub oculis vivere matronae, qualis tibi uxor contigit, virtutum, quae in
sexum illum cadunt, pulcerrimum specimen: quo maiores facio et praestitum hactenus
beneficium et spem recuperandae huius felicitatis. Nos tibi et hoc et aliis nominibus
multis debitores semper erimus: quod utinam quantum volumus testatum aliquando
nobis facere liceat. Interim tibi, uxorique tuae valetudinem secundam et iter si quod
suscipitis prosperum precamur. In patria nostra res belli frigent. Dicitur Spinola prope
Mosae Traiectum habere copias, crediturque imminere oppido Mursae, cui concessas
inducias peculiares tempore elapso producere Hispanus recusavit. Aliud habemus
nihil. Vale Vir optime. XVII Iulii MDCXXIII. Balagniaci
Tuus totus
H. Grotius.
1 Zie p. 236 n. 2.
2 Cornelis Pynacker, professor eerst te Leiden, daarna te Groningen, was in Juli 1622 als gezant
naar Algiers gegaan. Op zijn tweede reis naar Algiers, 1626, ontmoette hij Grotius te Parijs.
3 Zie p. 329 n. 3.
4 Gedrukt Hotomanorum Epistolae p. 411.
5 Zie p. 295 n. 12 en p. 297 n. 3.
6 Cicero, Pro domo 8.
Hugo de Groot, Briefwisseling van Hugo Grotius. Deel 2