Briefwisseling van Hugo Grotius. Deel 2

296
vota cum meis congruere certus sum. Ex Patria accepi sententias in ultimos eorum,
qui Principi Mauritio violentas manus inferre voluerunt. In multis malis boni id invenio,
quod iudicum testimonio apparet nihil gestum ex alicuius universitatis consilio, sed
ex una domo profectum consilium, unde in paucos manavit, quos poena complexa
est. Hoc etiam ex patria accipio, Legatum Regis Britanniarum 1 orationem habuisse
Regis sui mandato, qua dixit satis magna iam exempla edita severitatis in eos, qui
adversus Principem Mauritium coniurassent; rem poscere ut aliquod etiam clementiae
exstaret exemplum, cuius benignam materiam praebuisset Ophovius Prior 2 , qui
Heusdae oppidi praefectum nuper ad prodendum oppidum sollicitavit, nimirum
Dedecorum pretiosus emtor 3 . Praeter haec nihil habeo dignum nuntiari, nisi quod,
ut per te Nob. fratribus Puteanis commender unice rogo. 11 Iunii MDCXXIII.
Balagniaci.
Tibi addictissimus
H. Grotius.
838. 1623 Juni 16. Aan Willem de Groot 4
.
Iam peractis nuptiis tuis 5 , mi Frater, iterum iterumque meo et coniugis meae nomine
tibi et coniugi tuae omnia optamus felicia ac fortunata. Nos hic adhuc rusticamur,
securi quid rerum alibi agatur, nisi quod de vestra valetudine quam saepissime
certiores fieri optamus. Heri perlatum ad me est epistolium a te quo de Cysio 6
percunctaris. Doleo Graswinckelium nostrum in perscribendo tam ingrato rumore
adeo festinum fuisse. Scitote bene nobis compertum nihil esse eius rei. Alioqui si
quid fuisset non defuturi fueramus officio in popularem. Nos hic quid de Legatione
in Galliam 7 eventurum sit, scire avemus. Ego absoluto Stobaeo, quem ad vos iam
pervenisse spero, do operam commentationi de Iure belli 8 , sed lente satis procedo,
id primum curans ut valeam et quam suavissime vivam. Amicos Lugdunenses recte
valere spero. Velim intelligere quid de annotationibus nostris facturus sit Erpennius 9 .
Daetselarius 10 hic nondum est, nec quicquam de eo iamdudum nisi per vos
intelleximus. Parentes caeterique ut valeant scire percupio, iisque ac tibi et tuae me
et meam quantum possum commendo. 16 Iunii 1623. Balagniaci.
Literas Sylvanectum tibi destinandas scito ad Nicolaum de Bonvillers,
Pharmacopolam, cuius memoriam iugiter servato. Apothecarii omissio cur literis
nonnullis careamus in causa est. Vale.
Tuus tui amantissmus Frater
H. Grotius.
1 Dudley Carleton.
2 Zie p. 287 n. 2.
3 Horat., Od. III, 6, 32.
4 Gedrukt Epistolae p. 771.
5 Zie p. 289 n. 3.
6 Hij wordt ook in n o . 842 genoemd.
7 Zie p. 271 n. 1.
8 Zie p. 254 n. 14; p. 285 n 8.
9 Zie p. 27 n. 1; p 295 n. 7.
10 Daetselaer bezocht in Juli De Groot. Prot. van. Notaris Kemp te Gorinchem N o . 3974 d.d. 16
Oct. 1623: Verklaring van Adriaan Daetselaer Mathijsz. en Mathijs van Veen Cornelisz. dat
in Juli van dat jaar Mr. Hugo de Groot in leven was, aangezien zij hem op dien tijd te Balagni
in Frankrijk gezien en gesproken hebben. Zie p. 300 n. 3.
Hugo de Groot, Briefwisseling van Hugo Grotius. Deel 2