Briefwisseling van Hugo Grotius. Deel 2

295
836. 1623 Juni 2. Aan Willem de Groot 1
.
Balagniaci 2 nunc sum, mi Frater. Id praetorium est a vestro Silvanecto 3 non procul.
Usum eius concessit mihi Memmius, qui est inter Principes Senatus. Adsunt hic
mihi Meermanni duo, Debyaeus, Graswinckelius 4 . Fuit hic et Lambertus Oversciacus 5
a quo patris literas recte accepi, postea et tuae ad me venerunt, tum quas 15 Maii,
tum quas 22 dederas. Pro omnibus qua nuntias grates habeo. Quod reddam vix
quicquam est, nisi quod Byzantio scribitur Bethlehemo Gaborio parata fore auxilia
a Turca. Electores Saxo et Brandeburgicus dicuntur non alieno esse animo ab
instaurando federe Protestantium ad restituendum Palatino patrimonium. Sed
Britanniae Rex haec consilia non probat, et fidei atque candori Regis Hispaniae
generum inniti iubet. Papa in indulto matrimonii inter Hispanam et Angli filium 6 legem
addidit, ut Rex Angliae copias suas e Belgio revocet, quod Anglus probare non vult.
Quid Erpennius notis meis 7 facturus sit velim scire. Scio multa esse quae instituto
ipsius non conveniant. De ipso et Vossio quam optima quam saepissime intelligere
mihi pergratum erit. Mandatum dedi ut Stobaei 8 quaedam exemplaria via maris ad
vos mitterentur, sed non semper occasio est. Sententias damnatorum 9 legi, et miror
rem multum consistere citra id quod rumor tulerat. Amicis quos pater in literis
nominarat me quantum possum commendo. Filii mei in studiis satis procedunt.
Linguae tamen Latinae melius assuescerent, si multorum puerorum eadem lingua
loquentium consuetudine uterentur. Porcellaneorum 10 nihil miseram, sed vobis
significaram si quando opus esset uteremini. Vale cum patre, matre, sponsa et
amicis omnibus. Balagniaci. 2 Iunii 1623.
Tuus tui amantissimus
H. Grotius.
837. 1623 Juni 2. Aan J. Hotman de Villiers 11
.
Ignosces, Vir praestantissime, si Gallicis tuis literis eo sermone respondeo, in quo
Pater tuus, nulli eruditorum non admirandus, laudem maximam est consecutus.
Primum ergo ut a meis incipiam, quod coniux tua, te dignissima uxor, filiolae nostrae 12
tam maternam habet curam, pro eo gratias satis magnas agere nunquam possum.
Sed tuae erit bonitatis, quod verbis exprimere non possum id ex re ipsa, quando
me nosti, interpretari. Pro his etiam quae tum hic tum alibi geri signîficas multum
tibi debeo. Utinam meliora possent nuntiari, in quo tua
1 Gedrukt Epistolae p. 770.
2 Zie p. 292 n. 7.
3 Senlis; ‘vestro’ omdat Willem daar in 1618 vertoefd had; zie I p. 614 n. 5.
4 D.G. en Nicolaas Meerman (zie p. 254 n. 9), een zoon van Joris de Bie (zie p. 261 n. 2) en
Dirk Graswinckel (zie p. 133 n. 4).
5 Waarschijnlijk een neef; Hugo's moeder was Alida van Overschie.
6 Zie p. 292 n. 2.
7 Zie p. 27 n. 1.
8 Zie p. 15 n. 4.
9 Zie p. 286 n. 9.
10 Zie n o . 1000 n. 7; n o . 1002 n. 9.
11 Gedrukt Hotomanorum Epistolae p. 410. Over den geadresseerde zie I p. 347 n. 4.
12 Cornelia.
Hugo de Groot, Briefwisseling van Hugo Grotius. Deel 2