Briefwisseling van Hugo Grotius. Deel 2

292
mutantur, quam nihil contineant reipublicae adversum. Adversus rumores incipio
obdurescere. Dies aliquando tot calumnias revincet. Velim oportunitatem mihi dari
mittendi ad vos Stobaei 1 .
Pacis hic mansurae magna apud omnes fiducia est. Tum vero pecunia nostrae
reipublicae submissa, et, quod proc erto habetur, Mansfeldio, signa sunt nihil Hispano
concedentis animi. Nuptiae in Hispania 2 factae dicuntur. De Slatio quod restat
intelligere percupio. Quem 3 literas accepisse dicis velim ecquid speciale de libro
nostro 4 dixerit intelligere; deinde an existimet ullo modo mihi in patria securitatem
posse contingere. Nam multi sapientes id fieri posse negant, nisi libertas
Remonstrantibus concedatur et promulgetur τὸ μὴ μνησιϰαϰεῖν. Utrumque longe a
spe abesse arbitror. Illud de minis Maesbergium respicit 5 . Meum locum dabis in
nuptiis tuis cui voles cunque. Quod si aliunde implere numerum non potes - quod
mihi credibile non est - poteris sumere aut Daetselarium aut Erpennium, quibus
plurimum debeo. Vale mi Frater. Lutetiae 11 Maii 1623. Parentes et amicos saluta
quaeso, tum vero et nupturam.
Tui amantissimus Frater
H. Grotius.
834. 1623 Mei 19. Aan B. Aubéry du Maurier 6
.
Quae mihi saepe antehac, Vir Illustrissime, in publicis privatisque calamitatibus
solatio fuit manus tua, eadem nunc quoque me sub rumoribus saevis atque continuis
languentem excitavit, et me mihi reddidit. Atque ita hoc quoque super alia
experimento didici, quam verum sit verbum vetus, optimum in malis levamentum
esse fidelis amici benevolam allocutionem. Speremus meliora. Tibi interim adversus
quaedam tristia ex publico ad te redundantia, magnum proprium bonum Deus
concessit felicem liberorum indolem atque profectum, cui idem ille maiora indies
incrementa ut largiatur, ex animo voveo. Atque utinam a me proficisci possit aliquid,
quod aut ipsis utile aut tibi iucundum sit. Ego nunc ad tempus aliquod constitui coelo
libero frui, et ruri vivere, beneficio Memmii, qui praetorii sui usum mihi concessit 7 .
Sed ubicunque sum futurus, tibi gratum facere summa mihi voluptas erit; ad quam
rem utinam tam se offerrent occasiones, quam ego eas ardenter desidero.
Tantundem facit optimus Tilenus; eiusque et mea uxor, tibi tuaeque se, quantum
possunt, commendant, et obsequia sua deferunt. Omnes vobis omnia quam
prosperrima serio precamur. Lutetiae. 19 Maii 1623.
1 Zie p. 15 n. 4.
2 Zie p. 288 n. 7.
3 Frederik Hendrik.
4 Verantwoording.
5 In n o . 815 had Grotius geschreven: ‘Minas et pericula contemno’. Blijkbaar heeft Willem
gevraagd wat Hugo daarmede bedoelde. Voor Maesbergium moet Moersbergium gelezen
worden. Moersbergen had, uit vrees voor een gelijk lot als Oldenbarnevelt, pardon gevraagd.
Zie Brandt, Historie der Rechtspleging p. 297 v. Cf. p. 189 n. 4.
6 Gedrukt Epistolae p. 70. Antwoord op n o . 829.
7 De president Henri de Mesmes stelde zijn landgoed te Balagny-sur-Thérain ter beschikking
van Grotius, die er tot Juli bleef, toen hij naar Senlis verhuisde.
Hugo de Groot, Briefwisseling van Hugo Grotius. Deel 2