Briefwisseling van Hugo Grotius. Deel 2

291
amicitiis fidelibus suffultam, inimicis formidabilem; sed patriam quoque meam in
eum restitutam statum in quo ab anno CIƆIƆLXXXIX ad annum CIƆIƆCXVIII Europa
mirante floruit. Cui si hoc insuper addatur, ut quae nunc toto ferme Christiano orbe
exarserunt bella aut bellorum semina, ea Gallia arbitrante tolli aequis legibus possint,
is vero ad laudes tuas maximus accedet cumulus, perpetuoque exstabit utilissimum
humano generi munus, nec humanis tantum gratiis laudibusque pensandum, sed
Eius in primis bonitate qui pacis auctoribus utriusque vitae praemia liberaliter promisit;
cuius tutelae regem optimum ac regnum, teque ac tuos, Vir Illustrissime, quantum
possum commendo. Postridie Kalendas Maii CIƆIƆCXXIII, Lutetiae.
832. 1623 Mei 10. Aan G.M. Lingelsheim 1
.
Pridem est, virorum et amicorum optime, quod cogitationes tuas nullis literis interpello,
nam, ut res sunt et tuae et meae, quae potest esse nobis laeta ad scribendum
materia, sive exacta respicimus, sive praesentia intuemur. Solari autem te omnibus
divinarum et humanarum literarum praesidiis instructissimum superbius sit, quam
ut id ego mihi audeam sumere. Abrupit tamen silentium Stobaeana mea editio 2 ,
cuius copiam nulli quam tibi prius facere debui pro veteris amicitiae nostrae
necessitudine. Rogo autem, benigne et cum venia videas opus in durissimo carcere
inchoatum, ubi aliquid etiam non usquequaque consummatum moliri magnum fuit
et censendum si non ingenii, certe fortis animi laude. Tum vero precor, ut quo tu
resque tuae in statu sint, aut per literas tuas aut per Sanctocatharinum 3 intelligam:
ut si quid erit boni, gaudeam; sin, sciam, quousque dolere debeam. Id enim
tolerabilius, quam incerto atque infinito metu torqueri. Vale vir optima fortuna
dignissime, nisi hanc Deus saepe bonis maioris boni ergo negaret.
Lutetiae X. Maii CIƆIƆCXXIII.
Tui amantissimus
H. Grotius.
Adres: Summae virtutis atque eruditionis viro, d. Georgio Michaeli Lingelshemio, a
consiliis Regi Bohemiae Electori Palatino. Argentoratum.
833. 1623 Mei 11. Aan Willem de Groot 4
.
Mi Frater.
Quod precatus sum aliquoties, idem nunc quoque precor, ut tuum de matrimonio
consilium Deus porro secundet. Valde mihi dolet quod sponsalium tuorum laetitiam
interturbarit morosa inquisitio, et rursum carceris metus 5 . Certe siquid his qui iudicia
exercent est bonae fidei, videbunt qualia sint quae inter nos com-
1 Hs. Kon. Bibl. Kopenhagen. Gedrukt Reifferscheid, Quellen I p. 162.
2 Zie p. 15 n. 4.
3 Zie p. 106 n. 11.
4 Gedrukt Epistolae p. 770.
5 Wegens de brieven, die op den jongen Meerman te Lillo waren gevonden; zie p. 289 n. 4.
‘Rursum carceris metus’. Willem was indertijd gearresteerd in verband met de op Hendrik
Hooft gevonden brieven. Zie p. 230 n. 2; p. 238 n. 2.
Hugo de Groot, Briefwisseling van Hugo Grotius. Deel 2