Briefwisseling van Hugo Grotius. Deel 2

285
incommoda reportat. Ea quae in prima parte erant Aquinatis 1 monitus tandem reperi
et gratias ago. Deum precor parentes, te, sororem, amicos, affines et cognatos
incolumes servet. 31 Martii 1623.
Tui amantissimus Frater
H. Grotius.
824. 1623 Maart 31. Aan Jan de Groot 2
.
Scripsi hodie ad fratrem 3 per tabellarium, nunc tibi per Borelii filium qui has literas
aut perferet, aut ex Zelandia mittet. Novarum rerum nihil addo: sed mitto quae in
carcere eram commentatus in postremam Matthaei partem 4 , auctiora quam descripta
hactenus fuerant. Legite vos et iudicate. Legat et optimus Vossius. Deinde excerpat
in suos usus quae volet Erpennius, cui pro libris quos nuper transmisit praeter tot
vetera beneficia plurimum debeo. An notae ita ut a me factae sunt aut totae aut
particulis aliquibus resectis edi cum fructu possint vestrum et Vossii iudicium esto.
Illud vobis commendasse supervacuum sit, curam ut geratis ne chartae istae pereant.
Nam exemplar unum quod Bossizio 5 dederam antehac ad me non rediit. Stobaei 6
propediem proditurus est cum Plutarchi et Basilii libellis de usu recto Graecorum
poëtarum. Iam ubi animo ero defaecatiore ad iuris opus aliquod accingar, ac primum
ut puto de iure belli 7 . Vale cum matre, fratre, sorore, et amicis: et hoc rerum statu
saepe ad nos scribite. Prid. Cal. Aprilis 1623.
Tibi obedientissimus filius
H. Grotius.
825. 1623 April 7. Aan Willem de Groot 8
.
Pro iis quas tu, Frater charissime, ac Parens ad me scripsistis literas die 26 et 27
Martii gratias ago. Rogo pergatis ea nuntiare quae fiunt et, quid mihi agendum
censeatis, consilia perscribere. Dux Croiaeus 9 est is quem Pater coniicit. Venisse
huc arbitror ob negotium pacis Tellinae Vallis, quod in aliquod tempus
1 Zie p. 283.
2 Gedrukt Epistolae p. 769.
3 N o . 823.
4 Zie p. 27 n. 1.
5 J. de Thumery de Boisise; zie I p. 618.
6 Hier is een woord als ‘liber’ uitgevallen. In 1623 verscheen bij Nic. Buon, die later Grotius' de
Iure Belli ac Pacis zou uitgeven: Dicta poetarum quae apud Io. Stobaeum exstant. Emendata
et Latino carmine reddita ab Hugone Grotio. Accesserunt Plutarchi et Basilii Magni de usu
Graecorum poetarum libelli. Het boek is opgedragen aan den Kanselier, Nicolas Brulart de
Sillery; de opdracht is gedateerd 2 Mei 1623. In de Prolegomena spreekt Grotius over zijn
letterkundige studiën, in de Haagsche gevangenis, op Loevestein en daarna te Parijs. Rogge
392. Zie verder p. 15 n. 4.
7 Zie p. 254 n. 14.
8 Gedrukt Epistolae p. 769.
9 Charles Alexandre duc de Croy, marquis d'Havré, buitengewoon gezant van de aartshertogin
Isabella.
Hugo de Groot, Briefwisseling van Hugo Grotius. Deel 2