Briefwisseling van Hugo Grotius. Deel 2

273
pensas in periculi redemtionem faciendas et in restaurationem eius quod deperditum
erat 1 . Libri apud nos non tantum quatuor, quinque florenis sed duodecim imo et
quindecim venierunt; hoc autem lucrum privatorum fuit, qui dalero empta exemplaria
tanti vendiderunt aliis id obnixe petentibus.
His diebus conveni Echtenum 2 , et de salario tuo in lite Drentiana obscure quidem
egi sed non aperte; rogabat me homo maximopere ut ad te scriberem, num tibi esset
animus pro Drentianis egregium aliquem libellum Ordinibus Faederatis exhibendum,
quo locus ipsis in Generali Concessu peteretur. Aiebat posse a se extendi tam multa
archiva et argumenta, ut vix negari posse videretur, quae subministraturum se
pollicebatur si operam tuam velles addicere. Rescribe quamprimum quae tibi sit
sententia, vide an non ad ipsum quoque scribas; sperat ille se hic tam diu
permansurum, ut a te responderi interea possit. Cognatus noster Debyaeus 3 magna
de spe decidit, substituto in eius locum Leeuwio 4 , Duyckii genero; parentes rem
aegre ferunt, nec sine ratione. Fertur dixisse Duyckius Principem magis sua opera
quam se Principis indigere, addidit se vitam suam pro Principe summis obiecisse
periculis: ita quod petiit obtinuit. Uxori tuae proxima vice scribam, nunc festinare
cogor; interea sciat quae ad Basiam 5 et Debyaeam 6 miserat bene perlata.
Papemutsum in manus hostium venit. Mansfeldius agrum Embdanum miris modis
devastat, Comitem captivum detinet. Si unum praeterea mensem illic commoratur,
conclamatum erit, ut ex ipsis deputatis intellexi; urbi tamen non timent. Vale et
prolixitatem excusa, aut si tibi eam displicere negas, longas quoque subinde mitte
epistolas. Matertera Overschiaca 7 hodie terrae mandabitur. Hagae 10 Ianuarii 1623,
qui annus ut felix nobis transeat opto voveoque.
Tibi obedientissimus frater
Guilielmus Grotius.
Accepimus has litteras ad te mittendas; sumtus quaeso boni consule, nam nostra
non est culpa.
815. 1623 Jan. 12. Aan Willem de Groot 8
.
Mi Frater.
Quod sub anni exacti finem tam liberaliter ad me scripseris, magna est gratia.
Quod hinc reponam non multum habeo. De Valle Telina calet deliberatio, ut nuper
scripsi. Sed videtur Hispanus bellum imminens aequis conditionibus praeventurus.
Langeracensis nihildum obtinuit, quanquam haud dubie reipublicae nostrae
insessores rumores spargent de auxiliis impetratis, ut fruantur plebis
1 Brandt, Leven I p. 293.
2 Roelof van Echten, drost van Coevorden; zie p. 167 n. 9; over het Drentsche proces p. 165
n. 9; p. 252 n. 5. Over Drente 's recht op sessie ter Generaliteit zie de dissertatie van K.
Lijndrajer, 1893.
3 Een zoon van Joris de Bye.
4 Pieter van Leeuwen, gehuwd met Maria Duyck, de dochter van den raadpensionaris. Zie p.
269 n. 3.
5 Geertrui van der Dussen, gehuwd met Mr. Johan Basius; zie p. 239 n. 1.
6 Maria van Almonde, gehuwd met Joris de Bye.
7 Een zuster van Hugo's moeder, Alida van Overschie.
8 Gedrukt Epistolae p. 768.
Hugo de Groot, Briefwisseling van Hugo Grotius. Deel 2