Briefwisseling van Hugo Grotius. Deel 2

272
Accessi heri concivem 1 nostrum, eius quem modo indicavi vicinum, ei ego litteras
a te et nunc et antea transmissas ostendi, prius consilium non improbabat sed nec
Iannini displicebat; certe quicquid scriberetur in earum litterarum sensum, quas ad
nos misisti, scribi debere iudicabat. Auctior editio libri Latini 2 forte non inconsulta
esset dummodo quasi per appendicem fieret, nam quaedam contextui inseri non
videtur e re esse; videant omnes et iudicent, quem librum ut seditiosum Faederati
condemnaverint: possent enim forte quaedam iam adiungi, quae famam aliquorum
laederent: ita enim multi dicta tua interpretantur, fore ut omnes vivis depingas
coloribus. Appendix autem seorsim haberi posset. De praeloquio in Stobaeum 3 patri
adsentior. Vix videtur illic locus esse tuae defensioni: idem omnes quos allocutus
sum censent. De tutela regis ipse videris: minis hominem constantem nimis
commoveri non decet, sed nec omnia contemnenda sunt. Interest autem tua nosse
a quo, quae postremo scripsi 4 , profecta sint: scias ab Heinsio prolata, qui postea
coram maximum se mihi amicum esse testatus est. Maurerius putat non inutile rebus
tuis fore, si ius Gallicae civitatis impetres, idem omnes Galli dicent, Batavi non item:
pater in Gallorum sententiam transit. Concivis ille noster rogabat numquae tibi maior
securitas inde posset provenire. Addebat facile hic aliquas mutationes incidere
posse, denique prius tibi de egregio aliquo munere provisum volebat sub illa
conditione, si in Gallicam civitatem adoptari te sineres; spem solam non tanti esse
putabat, ut patrio iuri renuntiares: et ille quidem mihi sapienter loqui visus est, sed
haec pater nondum novit, forte ubi intellexerit mecum sentiet. Princeps quomodo
Apologeticum ferat ex repulsa Losecatii 5 et litteris meis prioribus nosse potes. Ille
de quo statim 6 nihil certi sibi ea de re constare asserebat. Vide quam arduum sit
inter absentes de re magna deliberare et aliquid constituere.
Ad nuptias ego certe animum advorto, ne dum consultant Romani, capiatur
Saguntus: sed quia ea res moram longiusculam passura videtur, forte sub initium
Martii ad vos excurram, sed necdum quid certi constitui. Graswinkelius 7 noster,
quem Roterodami saepe vidisti, proculdubio ad vos sub id tempus venturus est, ut
Galliam videat, tu interea transcribe si quid hic curari velis, in qua re tibi possimus
esse usui. Polyander 8 noster, aut si vis Pleonander, probat admodum quae tu antea
transmisisti; omnes hic iudicant bene te facturum si ad Parlamentum supplicem
porrigas libellum, viam iuris a te iniri nemo sapiens mirabitur, sed id Ordinibus
innotescere debet: cogita an Langeracensem per apparitorem aut alio modo huius
rei certiorem fieri expediat: sed et de Archiducibus eorumque subditis cogita. Vide
etiam num quid latius de secunda confiscatione velis inserere; quorum enim illa
bonorum erit? Belgica Apologetici editio altera 9 propediem prodibit; fuerunt prius
impressa exemplaria 1500, nunc ut audio totidem iterum. Ex prioribus vix trecentos
florenos Societas compendii fecit propter magnas im-
1 Joris de Bye?
2 Apologeticus; zie p. 76 n. 1.
3 Zie p. 15 n. 4; p. 264 n. 6.
4 Deze brief is verloren gegaan, zoodat niet bekend is, wat Heinsius gezegd had.
5 De Groot 's zwager, Frederik van Losecaat.
6 Joris de Bye.
7 Dirk Graswinckel; zie p. 133 n. 4.
8 Niet professor Polyander, zooals Rogge meent, maar D.G. Meerman.
9 De 2 e druk van de Verantwoording, Rogge n o . 93.
Hugo de Groot, Briefwisseling van Hugo Grotius. Deel 2