Briefwisseling van Hugo Grotius. Deel 2

264
hic rempublicam gubernant, intelligant, multis bonis gratum esse quod scripsi. Ego
et Cancellario 1 et Iannino, qui nunc aegrotat, sed revalescere incipit, ostendi e re
fore, si quid de patriae nostrae negotio tractetur, coram ex te audiri ea, quae post
id tempus intellexisti. Idem ipsis non displicebat: et a te ipso putabant in his, quas
scribes, literis, eius rei occasiones posse praeberi. Valde avemus intelligere quid
apud vos agat Marsillacus 2 : multi hic ominantur donis onustum esse rediturum, non
tantum ut munitiones Arausionenses excuset, verum etiam ut liberaliter testetur
omnes se, qui ibi sunt, optime affectos in Galliam reperisse. Rex hic futurus putatur
post Calendas Ianuarias. Reformati metuunt, ne recrudescat bellum, quia exercitus,
classis, munimentum ad Rupellam retinentur, quo erant statu. Loca Delphinatus, in
quibus Rex praesidium mutavit, dicuntur esse in ipsa via ad Arausionem. Aliud
habebamus nihil. Vale, Vir maxime, cum uxore et liberis, quos omnes etiam mea
officiosissime salutat. 22 Decemb. 1622. Lutetiae.
807. 1622 Dec. 29. Aan Willem de Groot 3
.
Tuas XI huius mensis scriptas iam nunc, mi Frater, accipio. Adversus edictum 4 quid
sit faciendum, amicorum consilia intelligere cupiam. Sunt qui putant scribendum ad
Ordines Federatos in sensum quem conceperam 5 ; id improbant alii, ne eorum
potestatem videar agnoscere. Ad Provinciarum Ordines non minus periculosum
putatur scribere, ne nova edicta eliciam. Ad amicum quendam scribi satius putabat
Ianinus. Alii sufficere arbitrantur novam et auctiorem libri Latini editionem; et ut in
praeloquio ad Stobaeum 6 aliquid dicam quod ad rem pertineat. An in fidem ac tutelam
Regis propiorem 7 recipi me e re sit, cogitabo. Sed de his rebus omnibus valde velim
Maurerii consilium intelligere, quem accede si qua est occasio. Cancellarius 1 liberaliter
pollicetur quae ad securitatem aut commoda mea pertinent. Audito edicto locum
Taciti 8 memorabat qui in conceptis a me literis exstat. Vossio bene rem procedere
est quod gaudeam. Regis privilegium de libri editione datum qui negant splendide
mentiuntur. Minae quas nuntias terriculamenta sunt in hoc adhibita, ne quid amplius
aut acrius scribam. Libros valde exspecto 9 . Latina Apologetici exemplaria recte
Amstelodamum pervenisse intelleximus. Rex est ad Fontembellaqueum, ubi Reginam
exspectat; inde huc venturus putatur. Scire exacte cupiam quibus in locis edictum
publicatum non sit, et quae sint de eo virorum praestantium iudicia. Saluta quaeso
patrem, matrem, cognatos, affines. Valete quam optime. 29 Decembris 1622.
Rogo exquiras quot exemplaria Belgici Apologetici priore editione impressa sint,
quot nunc denuo excudantur, quod lucrum ex priori editione fecerit Societas 10 .
1 Nic. Brulart de Sillery.
2 François V de La Rochefoucauld, prince de Marsillac.
3 Gedrukt Epistolae p. 767. Beantw. door n o . 814.
4 Het plakaat, zie p. 262 n. 3.
5 Over dit concept wordt ook in n o . 809 gesproken.
6 Dit heeft Grotius ook gedaan in de ‘Dicta poetarum quae apud Io. Stobaeum exstant,’ waarvan
de opdracht gedateerd is 2 Mei 1623. Zie p. 15 n. 4.
7 Zie n o . 818.
1 Nic. Brulart de Sillery.
8 Zie p. 265 n. 4.
9 Zie p. 260 n. 5.
10 Zie p. 162 n. 6 en p. 203.
Hugo de Groot, Briefwisseling van Hugo Grotius. Deel 2