Briefwisseling van Hugo Grotius. Deel 2

260
Hagae esse accepimus. Hic in Gallia pax bene procedit et diuturna fore videtur. Nec
desunt viri summae auctoritatis, qui non tantum Rhaeticas res, sed et vestras ad
curam suam revocant, et cum Britanno firmam amicitiam expetunt: quam in rem
utinam conferre aliquid possim. Grutero 1 optima quaeque precor. Commendat se
tibi Thuanus noster, dignus tanto patre filius, et ex animo malis tuis indolet. Vale vir
praestantissime.
XIX. Nov. CIƆIƆCXXII. Lutetiae.
Tuus
H. Grotius.
Adres: A Monsieur Monsieur Lingelsheim.
801. 1622 Nov. 25. Aan Willem de Groot 2
.
Mitto tibi, mi Frater, pacis leges 3 ita ut a Rege datae et hic in Senatu publicatae sunt.
Interfui orationi quam recluso foro habuerunt Servinus et Princeps Senatus 4 , magno
cum apparatu. Nihil loquebantur nisi ex Graecis et Latinis auctoribus discerptas
sententias: ea nunc eloquentiae forma viget haud probantibus quibus subactius est
iudicium. Pax ubique recte observatur restituto religionis usu. Regem sub anni finem
exspectamus visuri quo casurae sint de rebus Rhaeticis et Belgicis deliberationes,
quibus nunc occupantur hi, quorum est de rebus publicis consultatio. Ianinus ita
malo suo afflictatur, ut vix domo exiturus posthac putetur, nec videtur ei ita vexato
post annos LXXX multum aetatis restare. Libros quorum ad te indiculum misi 5 , rogo
prima occasione mittas. Valde enim aveo aliquid de iure 6 commentari, quod sine
libraria supellectile facere nequeo. Scripsi nuper si huc transcurrere possis aut nunc,
aut ubi ver advenerit, gratissimum te nobis futurum. Vereor ne nuptiales cogitationes
te impediant: quod si ita est, bene vertat. Saluto quam officiosissime parentes,
sororem, maritum, cognatos, affines, amicos et benevolentes. 25 Novembris 1622.
Audio secundam editionem Hexabibli 7 prodiisse. Velim eius exemplar Videre.
Tuus totus
H. Grotius.
1 Zie p. 106 n. 9.
2 Gedrukt Epistolae p. 767.
3 De vrede met de Hugenooten. De pacis leges in Mercure François VIII p. 837 vv.
4 Louys Servin, Advocaat-generaal en Nicolas de Verdun, Eerste president van het Parlement
van Parijs.
5 o
Bij n . 796
6 Zie p. 254 n. 14.
7 De tweede uitgave van het Bewijs van den waren godsdienst, zonder de Voorrede van
Rosaeus; Knuttel 3368, Rogge 350, die deze uitgave als de eerste beschouwt; ten onrechte,
zie p. 26 n. 6.
Hugo de Groot, Briefwisseling van Hugo Grotius. Deel 2