Briefwisseling van Hugo Grotius. Deel 2

249
nihil magnopere est. Rex adhuc Montempellerium obsidet, haud satis magnis
hactenus copiis, ad decem ferme millia aut minus etiam; ita ut non abs re metuerint
multi, ne Rohanius obsidium perrumperet. Sed nunc a Comite stabuli 1 , Vendocinensi 2
et Mommorantio 3 undique ad Regem miles adducitur, qui novus quoque conscribitur
per Campaniam et loca vicina, ita ut brevi Regis exercitus futurus speretur ad triginta
millia, neque ultra mensem protrahendam deditionem. Interim dicitur Rohanius
adhuc conditiones ferre de pace pro se, pro Nemauso et Castro ea lege ut
Rupellenses quoque et Montalbanenses, qui ferociores caeteris videntur, potestatem
habeant eadem pacta amplectendi. Sed de hoc negotio nihil dum confectum est.
Et sigilla Vici morte vacua accepit Commartinus 4 magnus hostis Protestantium,
commendatione Bassompetrae 5 qui nunc in florenti est gratia apud Regem. Comes
stabuli haud dubie perstat in pacis desiderio, frustra annixo Principe Condaeo eum
depellere ab hoc proposito, quem Principem votum fecisse salutandae Divae
Lauretanae rumor est, cum Rex interim suas victorias in literis ad Pontificem Ignatii
Loiolae precibus ferat acceptas. Langeracensis intra dies quatuor ad Regem
proficiscitur, ut pecuniam in Reipublicae nostrae subsidium impetret, aut opem Regis
ad procurandas inducias. 7 Septembris 1622.
Tui amantissimus Frater
H. Grotius.
791. 1622 Oct. 14. Aan Willem de Groot 6
.
Conspecta quae in Hogerbetii liberos data est sententia, mi frater, ita iudico a nobis
litem minime urgendam hoc tempore. De procuratorio tamen instrumento 7 videbit
alter affinium 8 ubi eo venerit. Potest enim ipse mandatum dare ut coniuncta persona.
Ea quae per Maurerii scribam miseras recte accepi et gratiam habeo. Apologetici
latina exemplaria 9 spero iam ad vos pervenisse. Neque Aureliae neque Blesae mali
quicquam Protestantes accepere; sed Lugduni convenarum seditio in illos orta
expilatione domuum aliquot desaeviit. Rex ad Montempellerium male exceptus est,
eruptione oppidanorum. De pace spes iterum nos fovet, cui quanquam saepe decepti
credere non abstinemus. In Vici mortui locum surrogatus est Commartinus 4 acer
hostis Protestantium. Princeps Condaeus iter ex voto suscipere dicitur ad Divam
Lauretanam. Haec sunt quae hic habebamus, nec quicquam praeterea. Apud vos
quae gerantur eorum saepe gnari fieri avemus. Prosecutio iuris mei adversus
Rotterodamenses 10 in ver differenda est: nunc enim Rotomagi pestilentia grassatur
quae Utenbogardum et Episcopium 11 huc misit. Vale cum parentibus et amicis. 14
Octobris 1622.
1 Lesdiguières.
2 Cesar hertog van Vendome.
3 Henri de Montmorenci.
4 Louis Le fèvre de Caumartin, die De Vic (overl. 2 Sept. 1622) opgevolgd was; hij zelf overleed
22 Jan. 1623.
5 Bassompierre.
6 Gedrukt Epistolae. p. 766.
7 Zie p. 246 n. 4.
8 Zie p. 244 n. 4.
9 Zie p. 246 n. 2.
4 Louis Le fèvre de Caumartin, die De Vic (overl. 2 Sept. 1622) opgevolgd was; hij zelf overleed
22 Jan. 1623.
10 Zie p. 168 n. 2.
11 Zie n o . 783.
Hugo de Groot, Briefwisseling van Hugo Grotius. Deel 2