Briefwisseling van Hugo Grotius. Deel 2

248
non displicere tamen bonis, indicio mihi est quod avide distrahitur. Molinaeus an sit
responsurus incertum est 1 ; sollicitatur a Leydensibus, ipse vero in illos studet istam
provinciam derivare, sed conatu irrito. Non desunt qui palam dicunt pessime factum
quod sese controversiis nostratibus immiscuerit: adversus Pontificios eum virum
esse non adversus Arminianos. In Gallia multos viros eruditos sententiae nostrae
favere cum gaudio intellexi, de Anglia idem constanti fama accipimus, et fidem facit
quod omnes avidissime libros nostros emant. An vernacula lingua in Molinaum
quodcunque mihi edendum sit quo fides Anatomes 2 elevetur, ambigo; id expedire
aliquibus videtur quod eadem ipsa etiam edita apud vulgus aliquo sit in pretio. Si
intellexero prudentiorum fratrum idem iudicium, dabo operam ut brevi errorum ac
hallucinationum catalogo Anatomici imperitiam exponam. Apologeticum 3 T.A. iam
excusum quia intellexi, exemplar pro Comite nostro 4 avide exspecto. In Comitatu
notos motus metuimus nisi Comes provideat, ob contentiones inter Ordines circa
vectigalia, Collegium administratorum pecuniae publicae et militem praesidiarium
Embdanum. Filius eius natu maximus iam dicitur desponsatus sorori ducis
Brunsvicensis. Filia autem natu minor intra paucas hebdomodas nubet duci
Megapolitano. Ad negotia domestica in Hollandiam vocatus ad aliquot hebdomadas
non procul ab urbe patria latebo, brevi Nordam nisi hyems instans impediat ad studia
rediturus. Scriptum T.A. de vera religione 5 mire mihi placuit. Profecto quotquot ob
veritatis professionem patimur maximas T.A. debemus gratias quod causam Christi
tantopere promoveat. Ego vero T.A. gratias quantas possum ago pro benevelo in
me affectu, ac Deum precor, ut T.A. vitam et valetudinem diuturnam concedat, ac
cum familia omni benedictorum genere cumulet. Dd. Tileno ac Aurato 6 officiosissam
dico salutem. Vale, Vir Amplissime, ac me amare perge. Datum 29. Sept. 1622.
Raptim.
Tuae A. observantissimus
I.A. Corvinus.
Adres: A Monsieur Monsieur Hugo de Groot A Paris. par amy que Dieu garde.
790. 1622 [Oct.] 7. Aan Willem de Groot 7
.
Gratias tibi ago, mi Frater, quod me literis 25 Septembris datis rerum quae apud
vos geruntur certum facis. Ea sunt tempora, eaque magnitudo rerum quae
exspectantur, ut saepiuscule id fieri nostra referat. Hinc quod nuntiem,
1 Hij heeft niet geantwoord.
2 Zie p. 189 n. 3.
3 De Latijnsche tekst, zie p. 76 n. 1.
4 Zie p. 189 n. 5.
5 Bewijs van den waren godsdienst; zie p. 26 n. 6.
6 François d'Or.
7 Gedrukte Epistolae p. 766. Antwoord op n o . 787. Grotius schreef bij vergissing Sept. voor
Oct.
Hugo de Groot, Briefwisseling van Hugo Grotius. Deel 2