Briefwisseling van Hugo Grotius. Deel 2

243
non iri confido. Vir ipse est amicitia tua dignissimus: doctus supra exemplum, rarae
ad hoc modestiae. Onosander non aderat. Sed vellam aurem Rigaltio. De te certiora
ac meliora noscere valde aveo: nec quicquam ferme est quod mihi in his malorum
reliquiis maiori esse possit solatio. Vale Vir optime. Kal. Septemb. 1622. Lutetiae.
785. 1622 Sept. 9. Aan W. de Groot 1
.
Mi Frater.
Pacis spes magna nuper refulserat, sed nunc evanuit. Convenerat ut novae
munitiones iniussu regio factae diruerentur pro duabus tertiis; Rex praefectum
imponeret Monpelerio; Nemausum et Castrum non multos milites praesidio
acciperent; Rupella et Montalbanum possent si vellent conciliari legibus iisdem; in
re religionis et magistratibus nihil mutaretur. Sed Montipelicienses ad exequenda
pacta Regem cum comitatu in urbem venire parantem recipere noluerunt. Itaque
urbs statim obsessa est, et in munimenta extra moenia factus impetus, maiore animo
regiorum quam prudentia. Occubuerunt Marchio Baeuvronius 2 , Comes Torigniacus 3 ,
item frater tribuni militum Dornani 4 , Barones aliquot. Ex vulnere periclitatur
Mommorantius 5 frater eius, quae Principi Condaeo nupta est 6 . Sed et morbi
grassantur, queis absumpti Custos sigilli Vicus 7 , mei amantissimus, et Comes
Plessaeus. Princeps Condaeus ait hostium loco habendos qui de pace posthac
agent. Comes stabuli 8 profectus est in Vivaresium, ut ea loca Regi subiiciat. De
Mansfeldio vacillarunt nuntii. Fama, quae optimos auctores profert, haec est: die 29
Augusti ambigue certatum, tria millia caesa hinc inde. At postridie pugnatum magna
cum Mansfeldianorum clade; occisos ex ipsius militibus quater mille, incertum an
ipse cum reliquiis evasurus sit, imminere ei Comitem Bergensem 9 , sed Principem
Henricum 10 venire subsidio.
Velim quamprimum mihi mitti exemplar Thomsoni de Iustificatione 11 , quo valde
egeo. De Thesibus Oxoniensibus 12 quod nuper scripsi velim memineris. Vale cum
patre, matre et amicis. Lutetiae 9 Sept. 1622.
Puto etiam inter libros meos esse librum Regii de absoluta Monarchia 13 . Eo quoque
opus habeo.
Tui amantissimus Frater
H. Grotius.
1 Gedrukt Epistolae p. 766. Beantw. door n o . 787.
2 De markies de Beuvron.
3 Ik vermoed dat bedoeld is Hertog van Fronssac, Francois d'Orléans Longueville, Graaf van
St. Pol, hertog van Fronsac (sinds 1608, sterft 1631); het kan een foutieve lezing zijn van den
uitgever, zooals er meer voorkomen, wat bij het onduidelijke schrift van Grotius alleszins
verklaarbaar is.
4 De latere maarschalk d'Ornano.
5 Henri hertog van Montmorency.
6 Henriëtte Charlotte de Montmorency, gehuwd met Henri de Bourbon, prins van Condé.
7 De Vic overleed 2 Sept. 1622.
8 Lesdiguières.
9 Graaf Hendrik van den Bergh.
10 Frederik Hendrik.
11 Richard Thomson, Diatribe de Amissione et Intercisione Gratiae et Iustificationis; zie I p. 244
n. 1.
12 Afgedrukt bij Baudartius, Memoriën II (1625) p. 115-120. In C. van Vollenhoven, Verspreide
Geschriften I p. 518 n. 3, wordt een andere verklaring gegeven.
13 Louis le Roy, Les Monarchiques, 1570.
Hugo de Groot, Briefwisseling van Hugo Grotius. Deel 2