Briefwisseling van Hugo Grotius. Deel 2

242
783. 1622 Sept. 1. Aan S. Episcopius 1
.
Vir Clarissime.
Remisi ad te nuper utilissimum tuum de Magistratu libellum 2 ; ac de eo quid
censerem non ipse rescripsi, morbo tum satis gravi impeditus, sed per D.
Utembogardum nuntiavi. Persto in eo iudicio, rem ex Sacris Literis accurate tractatam.
Atque ita, ut plane sperem cessuros tuis argumentis complures, quos in hoc
argumento aut praeiudicata opinio, aut species quaedam pietatis decepit. Ne ex
notis meis laciniae huic operi inserantur deprecor: quia ista cum caeteris sui contextus
coniuncta aut placere possunt, aut veniam mereri; at ita nude posita vix cuiquam
se probabunt. Neque vero ullam loci alicuius controversi explicationem rariorem
continent; quod si esset, non inhiberem quominus labore meo utereris. Aceedit,
quod vereor ne suspicionem in me accersam, quasi leges omnes damnem, quae
capitalia supplicia introduxerunt. De caetero venit nunc ad vos D. Utembogardus,
qui tibi particulatim commemorabit causas, ob quas consultum videtur, ut et ipse et
tu - quos divelli incumbens Ecclesiarum inspectio non patitur - ad tempus aliquod
in hac urbe subsistatis. Manere ibi, ubi morbus transitione nocens vagatur,
temerarium sit. Cadomi aut si quod aliud oppidum in mentem vobis venit, non video
qui recte curari possint, quae curanda sunt. Hic alius alii et auxilio esse possumus,
et solatio. Paraphrasin tuam cum annotationibus in capita ad Romanos 3 urgere non
desinam, donec lucem acceperint. Sed de his coram, ut spero, prolixius: neque
enim ut te huc alliciam plura addo, ne aut sapientiae, aut eloquentiae D. Utembogardi
videar diffidere. Vale, Vir praestantissime, cum D. Cupo 4 , Treselio cum uxore - cui
felicem partum precor - ac familia. Kal. Septemb. 1622. Lutetiae.
Tuus
H. Grotius.
784. 1622 Sept. 1. Aan G.J. Vossius 5
.
Per virum Illustrem Maurerium libenter valetudinem tuam cognovi, libentius etiam
ex literis tuis conspexi quam semper tibi sis similis et nostri memor vivas. Apologetici
Latini exemplar 6 brevi accipies via maritima. Ut legas rogo et bene serves ne tibi
malum creet. Iniuriam tibi faciunt librarii qui Historiae Pelagianae 7 exemplaria huc
non mittunt. Valde enim desiderantur, nec quisquam legit qui non aliis commendet.
In literis quas nuper per Capitonem 8 ad te miseram quaeque interceptae sunt haud
multum periit: nihil continebant praeter officiosam salutem a me aliisque amicis,
nominatim Salmasio, qui Pallium Tertulliani 9 mirum quam emendatum ad te mittebat.
Id tibi postulanti negatum
1 Gedrukt Epistolae p. 68; Epistolae ecclesiasticae p. 683.
2 Zie p. 222 n. 3.
3 Eerst in 1644 verscheen: Paraphrasis et Observationes in caput VIII, IX, X et XI Epistolae S.
Pauli ad Romanos. (Petit, Bibliogr. Lijst p. 128 n o . 32).
4 De Remonstrantsche predikant Petrus Cupus,
5 Gedrukt Epistolae p. 69. Antwoord op n o . 779.
6 Verantwoording; zie p. 76 n. 1.
7 Zie p. 25 n. 1.
8 Hendrik Hooft; zie p. 230 n. 2
9 Zie p. 211 n. 7.
Hugo de Groot, Briefwisseling van Hugo Grotius. Deel 2