Briefwisseling van Hugo Grotius. Deel 2

221
horret animus - vix elementa religionis Christianae sciunt. Imo quid illo ‘vix’ opus
mihi? Etiam absque illo nihil dixero ὑπερβολιϰώτερον. Paucis adeo ex iis invenio,
qui et Christi beneficium, et suum officium intelligant. Haec Hogerbetzio 1 subito ad
vos abitum parante scribenda mihi existimavi. De caeteris brevi per studiosum
quempiam, qui Lutetiam cogitat, faciam te certiorem. Salutem uxori lectissimae a
me et mea. Item summis viris Tileno, Salmasio, aliis. Kal. Iun. ∞ IƆCXXII.
Tuus omni officio
Adres: Amplissimo et Clarissimo Viro, Hugoni Grotio Lutetiam Paris.
In dorso schreef Grotius: 1 Iunii 1622. Vossius.
762. 1622 Juni 4. Aan Willem de Groot 2
.
Literis quas 22 Maii ad me dedisti, mi Frater, respondeo. De Apologetico 3 antehac
ad affinem 4 sententiam perscripsi. Reliqua notatorum exspecto. Hexabibli 5 duo aut
tria exemplaria mitti mihi velim, ubi aliqua erit occasio. In Apologetico velim corrigi
quicquid a vulgari orthographia abhorret, ne novitas operis gravitati deroget. Age
gratias Camerlino 6 pro navata opera; et dic me, si quando potero, gratias relaturum.
De pace Rex agit quidem cum Reformatis: sed lentum negotium multi privatis
pactionibus praecipitant, quos inter Lafortius 7 , princeps motus in agro Bearnensi,
sua recipit, et insuper accepit dignitatem Marescalli cum ducentis millibus scutatorum.
Etiam Sulliacus 8 in eo est ut sibi suisque consulat. Sanctae Fidei oppidum deditum
est Regi, Cleracum redditum. Montem Albanum ivit obsessum Vindocinensis 9 cum
decem millibus peditum, equitibus mille. Sex ferme peditum millia et equites
sexcentos sub se habet Mommorantius 10 reprimendis conatibus Rohanii. At Comes
Suessionensis 11 Rupellam premit, cui, ad decem millia quae secum habuit militum,
sex alia submitti dicuntur, divulsa civitate in primates, qui paci student, et plebem
bellum et maris praedas habentem quaestui. Rocalaurius 12 , qui Venetis militat, huc
a vobis rediit, multaque non abs re proponit adversus Hispanicam in Rhaetos
grassationem; quae Rex eiusque ministri pronis auribus accipiunt, versuri ad illa
animum ubi regni pax erit constituta. De pellendo moerore quod mones, laudo et
curam dabo. Adsit Deus. Parentes, sororem cum marito 13 et liberis, tum omnes
agnatos, cognatos, affines, amicos impense saluto omnes. Lutetiae 4 Iunii 1622.
Tui amantissimus Frater
1 Adriaan Hogerbeets.
2 Gedrukt Epistolae p. 765.
3 Verantwoording.
4 Nicolaas van Reigersberch; zie n o . 751.
5 Bewijs van den waren godsdienst, zie p. 26 n. 6.
6 De Delftsche pensionaris Camerling; zie p. 23 n. 8.
7 De maréchal De la Force.
8 De hertog van Sully.
9 César hertog van Vendôme.
10 Henri hertog van Montmorenci.
11 Louis de Bourbon, graaf van Soissons.
12 Pierre Raimond de Vurigne, heer van Roquelaure; over de troepen in dienst van Venetië, zie
ten Raa en de Bas, Het Staatsche leger III, reg.
13 Adriana de Groot en haar echtgenoot, Frederik van Losecaat.
Hugo de Groot, Briefwisseling van Hugo Grotius. Deel 2