Briefwisseling van Hugo Grotius. Deel 2

211
neque multum esse causae, cur de proposito responsio instituatur, nisi tu libello
viso aliter censeas. Vale vir doctissime, et D. Utenbogardum amicosque alios saluta.
Lutetiae IX. Maii CIƆ IƆC. XXII.
Tuus
H. Grotius.
753. 1622 Mei 10. Van Nic. van Reigersberch 1
.
754. 1622 Mei 11. Aan G.J. Vossius 2
.
Vir optime atque amicissime. Magnum mihi exsilii solatium in tua amicitia, quam
literae tuae abunde testantur. De tuo negotio ut res ex voto succedat, apprecor, nec
tui magis quam Academiae causa, cui scio quam utilis esse possit tua industria, vel
ad expugnandum gravissimum illud vitium, de quo merito conquereris, contemptum
literarum. Interim otium illud. quo nunc frueris, etsi forte rei domesticae incommodat,
sterile tamen non erit sed fructus dabit posteritati profuturos, praesertim si in iis
pergere audeas, quae de Ecclesiae historia colligere coeperas. Ego Disquisitionis
nostrae 3 exemplum tibi mitto, quantillum munus pro quot et quantis? Puto me in eo
libro verum dixisse de veterum sententia. Et quis tamen vero cedet? Nuper 4 a te
poposceram librum Eclogarum Physicarum et Ethicarum Stobaei quibus usus in
carcere fueram; rogo ubi occasio se dabit transmittas. De loco Schotti indicato gratias
ago. Velim et per te nomen scire eius qui in Germania, ni fallor, ad Cassandrianum
modum de conciliandis controversiis scripsit 5 . Nomen nunc non succurrit. Sed tuo
beneficio eum librum videre memini. Videris mihi non abs re facturus si Fragmenta
cum Notis seorsim prodire facias, ne semper lentulitas illa tibi obstet 6 . Salmasius
Pallium Tertulliani iam edidit 7 , in quo tam multa emendat, tam multa observat, ut
caeteros nihil vidisse dicas. Iam ad Apologeticum eiusdem accingitur 8 . In Suetonium
quoque paratas habet notas et multa alia quae eum passim vides promittere, neque
enim iactator est. Non amittam tibi notor esse apud ipsum. De affini tua 9 quod scribis,
fortitudinem eius miror et temporibus satis infelicibus feliciter ut succedat opto.
Resalutat te Tilenus et alii quos designas. Vale quam dulcissime cum coniuge et
liberis. 11 Maii 1622.
Tuus totus
H. Grotius.
1 Hs. U.B. Amsterdam, cod. M 1. Gedrukt Brieven van N. van Reigersberch p. 3. Antwoord op
n o . 750.
2 Gedrukt Epistolae p. 67. Antwoord op n o . 742. Beantwoord door n o . 761.
3 Disquisitio an Pelagiana sint etc., zie p. 109 n. 2.
4 Zie p. 191 n. 9.
5 Hij bedoelt Georg. Wicelius; zie p. 191 n. 7. Over Cassander zie p. 222 n. 5.
6 Zie p. 29 n. 8; Lentulitas ziet op Scriverius; zie p. 200 n. 1 en I p. 89 n. 4.
7 Tertulliani Liber de Pallio, ed. Salmasius 1622.
8 Deze uitgave is niet verschenen, evenmin als zijn Suetonius.
9 Maria Diamantius, zie p. 200 n. 3.
Hugo de Groot, Briefwisseling van Hugo Grotius. Deel 2