Briefwisseling van Hugo Grotius. Deel 2

206
nullo labore reperire potui. Si apud vos sunt eorum exempla, rogo ut transmittatis.
Placet enim consilium vestrum sequi et eis subscribere, ut quid facere illis libeat
experiamur. De pace per has dies crebri rumores. Nam ad condictum convenerant
Desdiguerius et Rohanius et conditiones quasdam perscripserant Regi offerendas 1 .
Interea alius advenit nuntius Subizii copias - ad sex mille erant - in Insula Rie, cum
intellecto regii militis adventu naves conscendere pararent, coactas ad deditionem,
atque ita in manus Regis venisse naves XII, machinas VII, captivorum immensam
multitudinem, elapso Subizio. Id ad pacem valiturumne sit, an Regi adhibiturum
animos ad bellum ignoratur. Aliud hic habemus nihil, Rege procul in Pictonibus
agente. Pecuniae spes mihi fit. Caeterum nihil dum recepi. Saluta quaeso parentes
et qui nos sanguine aut amicitia contingunt. 22 Aprilis 1622.
Rogo si quis amicus huc veniat librorum, quorum nomina hic ascripta sunt,
exemplaria quina aut sena nobis transmittatis in usum puerorum, pretium quantum
erit reddetur.
Tui amantissimus Frater
H. Grotius.
747. 1622 April 22. Aan B. Aubéry du Maurier 2
.
Literas tuas quoties recipio, Vir Illustrissime, tum maximum exsilii mei solatium
sentio: non quod hic etiam desint, qui se amicos nostros dici haud aegre ferant, sed
quod illorum exploranda mihi est amicitia, cum tuae iam toties periculum fecerim;
ut cum tua in me beneficia semper exuberent, ego ad gratiarum vel agendarum
redactus sim inopiam. Reigersbergium nostrum amare ne desinas rogo: nemo est,
qui res meas diligentius curet. De rheda consultabimus, ubi viderim nihil obstare
quominus ad me perveniat quod Rex optimus destinavit: nam incipere sumtus, quos
perferre nequeam, minus consultum est. Expediendo huic negotio inserviet forte,
quod domum conduxi cum Tileno communem, cuius uxor in hac urbe nihil ferme
praeter rhedam desiderat. Poterit autem una et illi et meae sufficere. Sed nihil valde
est, cur festinemus. Ipsius Tileni libellus, quo Milleterio respondet, iam sub praelo
est 3 . Cameronis colloquium 4 legi, quod a mollibus initiis paulatim ad verba duriora
processit. Ipse Tilenus in facti narratione iniuriam sibi factam conqueritur. Meum
consilium est, ut non per Tilenum, sed per alium Cameroni respondeatur, quam fieri
poterit modestissime. Meus Apologeticus 5 Latine describitur. Plane tibi assentior
editionem diutius differri non posse, atque idem amicos et affines iudicaturos confido.
Magni per hos dies hic de pace rumores fuerunt, ex colloquio inter Desdiguerium
et Rohanium.
1 Het onderhoud van Lesdiguières en Rohan te Laval près du Pont S. Esprit; Le Vassor II p.
456.
2 o
Gedrukt Epistolae p. 66. Antwoord op n . 740.
3 Zie p. 125 n. 2.
4 De p. 179 n. 7 genoemde Amica collatio.
5 Verantwoording, zie p. 76 n. 1.
Hugo de Groot, Briefwisseling van Hugo Grotius. Deel 2