Briefwisseling van Hugo Grotius. Deel 2

189
736. 1622 Maart 26. Van J.A. Corvinus 1
.
Vir Amplissime S.P.
Quanquam non immerito praeter officium a me factum videatur, quod ab eo
tempore, quo T.A. redivivam Dei beneficio et cum nobis tum bonis omnibus restitutam
summo cum gaudio salutavi, nihil literarum ad eam dederim, rogo tamen ne id errori
aliquo, sed partim verecundiae, partim occupationibus et temporum invidiae
imputetur. Cum enim minus gratas fore literas meas mihi persuaderem, nisi et finem
Antimolinaeo 2 impositum et lucem eum adspecturum certo nuntiarent, silendum mihi
putavi donec ipse de eiusdem editione certus essem. Occupatum me tenuit
Molinaeus integram aestatem. Quippe cum iam a me finem operi impositum putarem,
rediit mihi labor ex nova eaque auctiore libri adversarii editione 3 . Existimabam enim
expedire, ut una cum prioribus ea etiam a me refutarentur quae iis accesserant.
Absolvi quidem integram responsionem ante nundinas autumnales, sed cum mihi
ipsi describenda esset, non potui nisi partem ad praelum parare. Curavi tamen ut
ea Francofurtum deferretur ac sollicitavi D. Roelandium, bibliopolam nobilem, de
editione. Sed is primo solum dubie, sero autem operam suam certo mihi addixit;
dubium tamen me tenuit an proximis nundinis liber proditurus esset, veritus ne cum
libri moles - excrevit enim admodum ex istis additamentis - tum crebrae operarum
typographicarum ob militem Bavarum, quo hac hyeme Francofurtum cinctum fuit,
intermissiones editionem nimium remorarentur. Proditurum demum ante paucos
dies certo significavit. Faxit Deus ut ad divinae veritatis propagationem serviat.
Plurimum mihi gratulabor, si cum fratribus tum imprimis T.A. eum placere intellexero;
vereor autem ne defectu necessarii subsidii multa nimis ieiune a me tractata sint;
tamen ut caussae pro viribus satisfacerem, omni ope nixus sum. Cum Antwerpia
discessissem sex integros menses me ipsum quasi voluntario carceri inclusi, et ut
mihi securiora essent studia, ubi essem etiam amicissimos celavi, nec recepi me in
libertatem, nisi postquam et integer liber ad praelum paratus, et mea manu bonam
partem descriptus esset et valetudo ex continuis laboribus adversior id urgeret.
Contuli vero me Nordam, Frisiae Orientalis oppidum. Ibi hyemem transegi apud
consanguineos, quos ex Albana persecutione ibi habeo reliquos. Ista occasione
contigit mihi videre et coram salutare Nobiliss. D. de Moersbergen 4 , qui summum
suum gaudium ob T.A. e carcere felicem liberationem testatus per occasionem T.A.
plurimam salutem dici voluit; simulque significavit gratissimum sibi fore, si cum de
T.A., tum de rerum Gallicarum statu certi quid cognoscat. Comes 5 huius Provinciae
de T.A. honorifice semper loquitur, et ardenti desiderio exspectat Apologiam 6 T.A.;
quam brevi prodituram cum acceperit in mandatis
1 Hs. U.B. Amsterdam, cod. 30 Q 1. Schrijver is de in 1619 verbannen Remonstrantsche
predikant te Leiden (zie I p. 260 n. 3), die zich thans te Norden in Oostfriesland ophield.
2 Zijn geschrift tegen den Parijschen predikant Pierre Dumoulin: P. Molinaei novi anatomici
mala encheiresis, dat 1622 uitkwam bij Erasmus Kempffer te Frankfort a.M.
3 e
Petri Molinaei Anatome Arminianismi kwam 1619 te Leiden uit; een 2 editie 1620; postrema
ed. 1621.
4 A. de Wael van Moersbergen, die met Oldenbarnevelt, Grotius en Hogerbeets veroordeeld
was.
5 Willem Hendrik graaf van Steinfurt.
6 Verantwoording; zie p. 76 n. 1.
Hugo de Groot, Briefwisseling van Hugo Grotius. Deel 2