Briefwisseling van Hugo Grotius. Deel 2

167
716. 1622 Jan. 14. Aan S. Episcopius 1
.
Legi, vir doctissime, cum voluptate summa et profectu meo, quae pro tuenda
perscriptae legis divinae dignitate commentatus es 2 ; neque vero unica lectione
contentus prolixiorem eum faciam saepe revolvendo. Quod si et hoc permittis, aliis
quoque amicis harum rerum iudicio pollentibus faciam legendi et cognoscendi
copiam. Waddingo 3 tamen mittendum nondum censeo, ne Societas hic quoque
valida inde quoque occasionem arripiat desideria nostra impugnandi. Facile morae
alicuius veniam impetrabit mutata exsilii sedes, neque ad manum libraria supellex.
De Paraphrasi particulae ad Romanos - nonum caput cum duobus sequentibus
intelligo - persto in prece 4 . Scio sufficere posse veri studiosis quae in Actis
Synodalibus 5 exstant. Sed et fusior est ea dissertatio, et liber in paucorum est manu.
Quare seorsim edendum est aliquid, et praeloquii loco ostendendum quid antegressis
capitibus atque etiam fine octavi - quod cum nono multi argumento peculiari
cohaerere non satis recte existimant - egerit Apostolus. Deinde iuxta verba textus
adiicienda fusior planiorque paraphrasis, et post cuiusque capitis paraphrasin breves
annotationes, quae ex scopo Apostoli, ex sermonis cohaerentia, ex locutionum alibi
exstantium significatu paraphrasin eam adstruant, et alias si opus est refutent. Id
opus si qua omnia soles industria confeceris, non dubito quin multis profuturum sit
ad conspectum veritatis. Deus te tuumque contubernalem 6 paterna benignitate
foveat. XIV. Ianuarii. CIƆIƆCXXII. Lutetiae.
Tuus
H. Grotius.
Adres: Summae eruditionis et pietatis viro Simoni Episcopio Rotomagum.
In dorso schreef Episcopius: Recepta 24 Janu. 1622.
717. 1622 Jan. 14. Aan Jan en Willem de Groot 7
.
Quas ad me dedistis epistolas postridie Calendas Ianuarias cum gaudio accepi,
eoque magis, quod de tuo, Frater, adventu in patriam nihil hactenus inaudiveram.
Commonitoriam iuris in Drentiana lite 8 omnino non alii tradendam censeo, quam
Echteno 9 , nobilii eius terrae, et huius litis directori. De Hexabiblo 10
1 Hs. U.B. Amsterdam, cod. III E 1 122 . Gedrukt Epistolae p. 64; Epistolae ecclesiasticae p. 674.
2 Episcopius' Belijdenisse ofte Verklaringhe van 't ghevoelen der Leeraren, die in de Gheunieerde
Nederlanden Remonstranten worden ghenaemt, over de voornaemste articulen der Christelijke
Religie. 1621. Knuttel n o . 3266; Petit, Bibliogr. Lijst p. 121 n o . 10.
3 De Antwerpsche Jesuiet Petrus Wading, tegen wiens twee brieven Episcopius in 1644
polemiseerde. Petit Bibl. Lijst p. 128 n o . 31.
4 Eerst in 1644 verscheen van Episcopius' hand: Paraphrasis et Observationes in caput VIII,
IX, X et XI Epistolae S. Pauli ad Romanos. Amsterdam. Petit, Bibl. Lijst p. 128 n o . 32.
5 Acta Synodi Nationalis ... Dordrechti habitae. 1620.
6 Wtenbogaert.
7 Gedrukt Epistolae p. 763.
8 Zie p. 165 n. 8.
9 Roelof van Echten (1592-1643).
10 Bewijs van den waren godsdienst, zie p. 26 n. 6.
Hugo de Groot, Briefwisseling van Hugo Grotius. Deel 2