Briefwisseling van Hugo Grotius. Deel 2

147
et scriptionis pretium a fama aestimarem. Nunc primum incipio credere me digna
posteris condidisse, de quibus tanti viri tam magnifice sentiunt. Quantum vero iudicio
tuo tribuam ex eo cognosces, quod praedicatione ista non solum illustrari ipsas
Musas, sed et memoriam mei prorogari existimem. Non sine nostro et bonorum
omnium gaudio salvum te, squallorem et tristitiam carceris evasisse accepimus.
Magnus quidem animus ubicumque est liber est: tamen propter commercium, quod
illi familiarius est, hospitis sui, id est corporis miseriis haut ingemiscere, et torpere
non potest. Sed de tanta fortuna ut tibi potissimum gratulor, ita et Musis gaudeo.
Gaudeo, inquam, Musis, quibus postliminio restitutus, iam invenies otium, quod a
republica impetrare non poteras. Ego te, clarissime Groti, liberius provoco, quia nihil
humanius est ipsis litteris, quae etiam ab humanitate nomen traxere. Idem genius,
eadem studia nos coniungunt; quibus confisus ad notitiam tui iter mihi struo; quod
longe ante tentassem, nisi diremisset nos priorum temporum calamitas, et metus
partium, ad ultimum fortunae tuae atrocitas. Nunc securus ad te venio. et ut propius
me intelligas, libellum 1 porrigo, de quo etiam iudicii tui trutinam exspecto. Insunt
offendicula quaedam typographi, quae cum occurrerint ingenio facile supplebis: per
forenses enim curas interesse mihi editioni non licuit et ut scis genus istud hominum
extra lucrum nihil cogitat. Vale Phoebi delicium, et me quoque inter tuos numera.
Gandavi XI. Octob. MIƆCXXI.
Amplissime domine, Virtutibus tuis addictus
Nicolaus Burgundius.
In dorso schreef Grotius: Nicolaus Burgundius 11. Oct. 1621.
700. 1621 Oct. 19. Van Cl. Salmasius 2
.
Quantas ego tibi maximas agere possum gratias ago, Vir clarissime, pro eruditissima
illa tua observatione de calceis, quam heri ad me misisti. Gaudeo etiam tibi aliquando
idem quod mihi in mentem venisse ad conciliandum Marci cum Matthaeo 3 locum,
ac ne nunc quidem a te improbari. Certe quo magis magisque cogito, nullam aliam
iniri posse viam video conciliandorum illorum Evangelistarum. Certum est, ut nuper
tibi dicebam, Graecos vocem ὑπόδημα, cum strictiori notione sumitur, pro altiore et
profundiore calceamento usurpare, et a sandalis distinguere. Possum id multis
auctorum locis confirmare. Hesychius 4 βλαυτοῦν, ὑποδέειν, ἢ πλήσσειν σανδαλίῳ,
οἱ δὲ ὑποδήματι. Idem: βλαῦδες, ἐμβάδες, ϰρηπῖδες, σανδάλια, ὑποδήματα. quibus
locis ὑπόδημα stricte sumitur, et ἀπὸ τοῦ σανδαλίου distinguitur. Sic vocem calceus
apud Latinos, cum proprie et stricte accipitur, de illo calceamenti genere dici certum
est, quod forenses et togati gestabant. Hinc Tertullianus 5 noster: calceos nihil dicimus
proprium togae tormentum; et paulo post: quem non expediat in algore et ardore
rigere nudipe-
1 Vermoedelijk zijn: Tractatus controversiarum ad Consuetudines Flandriae. Antv. 1621.
2 Gedrukt Salmasii Epistolarum lib. I p. 22. Schrijver is de bekende Fransche philoloog, die in
1632 als professor naar Leiden ging.
3 Marcus VI, 9 en Matth. X, 10. Zie Tertullianus de Pallio, ed. Salmasius, Notae (p. 388 in de
ed. 1656): ‘et haec ratio est conciliandi cum Marco Matthaeum’.
4 Hesychius, Lexicon i.v.
5 Tertullianus, de Pallio V (Migne, P.L. II p. 1101).
Hugo de Groot, Briefwisseling van Hugo Grotius. Deel 2