Briefwisseling van Hugo Grotius. Deel 2

130
686. 1621 September 9. Aan G.M. Lingelsheim 1
.
S.P.
Verba non invenio, quibus digne satis gratiam tibi agam, quod de me ausus sis
iudicare contra Fortunam. Ego et semper operam dedi hactenus et dabo etiam nunc,
ne amicitia tua, quam semper feci plurimi, indignus sim. Quod nuper scripsi
compendio 2 , idem posthac diffusius 3 intelliges, omnia mea consilia spectasse semper
ad ecclesiae et reipublicae pacem. Gratias summas ago Deo meo, qui me sua
exploratione dignatus, simul magna solatia suggessit suggeritque. Intelligo dn.
Camerarium 4 nuper fuisse, ubi mihi venire non licet, et animum ostendisse a nobis
non alienum, quo nomine multum ipsi debeo. Ego magni Camerarii nomen summa
reverentia prosequor, nec, quod sciam, ab eius scitis unquam discessi. Etiam in
carcere eius libris aerumnas meas sublevavi. Iam videris puto carmen non optimum,
sed quod a fortuna nostra excusationem meretur, ad Franciscum Thuanum 5 , cui
persolvi quod parenti eius, viro optimo, debebam. Nam si quis est, cuius affectui,
iuxta tuum, multum debeo, is certe Thuanus fuit: quare omnino officii mei existimavi
memoriae eius honorem habere, praesertim cum ne illa quidem tam eximia virtus
invidiam et calumniam effugerit. Is, quem dixi, iuvenis magno passu per paterna
vestigia grassatur et eo te amore prosequitur, quo tu eius parentem. Germaniae
mala tristis audio, Galliae etiam video. Utinam prae calidis consiliis temperata ac
salubria placerent. Viros magnos, qui me sua amicitia ornant, video serenissimo
Principi vestro bene velle. Puto non male vos facturos, si ad aequa omnia huius
quoque regni gratia utamini: quanquam non nescio, quae hactenus a Gallis proposita
fuere, minus placide excepta, sed multum possunt temporum vices. Montem Albanum
rex oppugnat. Est apud eum Haius, ab Anglia legatus 6 , sed an spe aliqua
conciliandae pacis incertum. Certe Galliae refert, ne trahatur hoc bellum, neque
Galliae tantum, sed totius Europae. Sancatharinum 7 pro merito amo atque amplector.
Grutero, et si qui alii vivunt nostri memores, precor omnia faustiora. Utinam re aliqua
ostendere possim, quanti faciam a te amari. Vale vir optime.
Lutetiae, IX. Septembris CIƆIƆCXXI.
Tuus totus tibi obligatissimus
H. Grotius.
Adres: A Monsieur Monsieur Lingelsheim.
1 o
Hs. Kon. Bibl. Kopenhagen. Gedrukt Reifferscheid, Quellen I p. 116. Antwoord op n . 665.
2 Stuytinghe, zie p. 75 n. 6.
3 Verantwoording, zie p. 76 n. 1.
4 De diplomaat Ludwig Camerarius (1573-1651), kleinzoon van Joachim (magnus Camerarius,
1500-1574). Hij was in 1621 in Den Haag geweest; 15 Juni 1621 schrijft hij uit Heidelberg
aan Janus Rutgersius: ‘Ex Haga ad te scribam plenius’ (Reifferscheid, l.l p. 114).
5 Sylva, zie p. 101 n. 7.
6 Zie p. 122 n. 3.
7 Zie p. 106 n. 11.
Hugo de Groot, Briefwisseling van Hugo Grotius. Deel 2