Briefwisseling van Hugo Grotius. Deel 2

101
Ecclesiae commodum, bonorum omnium gaudium concederet. Vale clarissime
Domine, et vel mortui Patroni gratia me alias ignotum ama.
Virtutum tuarum cultor, et Dominationi Tuae deditissimus,
Ioh. Cosin.
Cantab. e Collegio de Gonevile et Caius Iunii 20. 1621.
Adres: Clarissimo Domino, viroque eruditissimo D. Hugoni Grotio Parisiis.
In dorso schreef Grotius: 1621. 20 Iunii. Cosin.
661. 1621 Juli 8. Aan B. Aubéry du Maurier 1
.
Dulce mihi fuit, Vir Illustrissime, ex binis tuis literis, quas 20. Iunii ad me dedisti,
cognoscere, quam tibi non excidissem. Scire aveo, quid de Veneto scripto 2 simus
intellecturi. Quisquis ille scriptor est, actus est non uno loco, ut nervis alienis mobile
lignum 3 . Ego non tam meae, quam publicae causae, adversus tam graves et
diuturnas calumnias materiam paro 4 : quam ad rem te quoque adiutorem spero.
Non potueras melius consulere liberis tuis, quam quod eorum spem Vossio
commendas, rarae tum probitatis, tum eruditionis viro. Memini a Casaubono summis
laudibus praedicari Oratorias eius Institutiones 5 . Tum quae de Pelagiana Historia 6
conscripsit maximi hic ab omnibus fiunt. Non omittam curam hanc obnixe ipsi
commendare, ubi ad me venerit tuorum liberum comes, quem nondum vidi. Agam
etiam cum eo de instituendi ratione.
Partem illam literarum, in qua Iannini mentio, ipsi praelegi: maximi ille te tuamque
amicitiam facit. Ego vero illi supra quam dici potest debeo, adeo pro honore ac
commodis meis sollicitum se ostendit. Sed Regis, cum parte Consilli maiore, absentia,
aut etiam respectus aliquis eorum, quae tum hic, tum apud vos geruntur, obstitit
quo minus, certae sedis fiducia, transferre huc uxorem ac familiam liceret, quibus
aegre careo. Sed tam longae miseriae fructum perdiderim, si ista leviora me crucient.
Viri maximi Iacobi Augusti Thuani filium, ad patrias laudes magno gradu grassantem,
versibus quibusdam 7 ad virtutis ac sapientiae studium incendi: quos versus brevi,
ut spero, videbis. Interim, quod gratum tibi esse novi, valeo, uniceque opto, ut
adversus tot beneficia tua gratum, tuaque amicitia ac commendatione dignum me
possim ostendere. Vale, Vir Eminentissime. 8 Iulii, 1621. Lutetiae.
662. 1621 Juli 8. Aan A. Schottus 8
.
1 o o
Gedrukt Epistolae p. 58. Antwoord op n . 656 en 657. Beantwoord door n . 671.
2 Zie p. 69 n. 3.
3 Horatius, Sat. II, 7, 82.
4 Verantwoordingh; zie p. 76 n. 1.
5 Zie I p. 304 n. 3.
6 Zie I p. 335 n. 2.
7 Silva. Ad Franciscum Augustum Thuanum. Parijs 1621 (Rogge 297).
8 Afschriften: Bibl. Nat. Parijs fonds Dupuy 675 f. 40; British Museum London, Add. 12110 f.
28. Gedrukt Burman, Sylloge II p. 441. Antwoord op n o . 653.
Hugo de Groot, Briefwisseling van Hugo Grotius. Deel 2