1 C. Verspreide literaire teksten van Jacob Revius ... - Enny de Bruijn

34. Lijkzang op Constantijn l’Empereur (1648)
In: Jacobus Trigland, Oratio fvnebris in obitum nobilissimi, clarissimi doctissimique viri, D.
Constantini L’Empereur ab Opwiick (...), habita in Auditorio Theologico nonis Iulij [1648],
Leiden 1648, 26-28. UB Leiden, 189 A 25. (Ook verschenen als plano-uitgave, Leiden, 1648,
GA Arnhem, collectie Van Rhemen, bibliotheek (0993), 380).
LACRYMAE
In repentinum obitum Viri
Antiquae Nobilitatis, & omnigenae ac rarae Eruditionis,
CONSTANTINI CAESARIS,
Dicti L’EMPEREUR, ab OPPIICK, &c.
Primò sanctae linguae, deinde S.S. Theologiae in Academiâ Lugd. Bat. Do-
ctoris ac Professoris longè celeberrimi.
I.
VIATOR. ECHO.
Quis tremor in Batavis? muros habet hostis? an ingens
Sidera Caesar adit? Sidera Caesar adit.
Vox aures truculenta ferit. quid? maximus ergo
Ille vir hinc abiit? Ille vir hinc abiit.
II.
Ingenij nil non subito penetrantis acumen,
Eloquij fons illimis, Suadaeque medulla,
Linguarum praelustris & admiranda supellex,
Casta fides, animi firmum prudentia vallum,
Et quaecunque solent de morte referre triumphos,
Omnia succubuere in funere CONSTANTINI!
III.
Flete, boni, quoniam crudelibus occubat umbris,
Ille probi moris constans & verus amator.
Flete, Novensilium, Divaeque sagacis alumni,
Ille Camoenarum postquam est extinctus ocellus.
Linguarum Sophiaeque parens Academia, moestos
Ede sonos; jacet, ecce, inopina morte peremptus
Linguarum Sophiaeque gravissimus INDUPERATOR.
IV.
Dum vaga mens docti rimatur Caesaris illum,
Qui mare, qui terras sub ditione tenet,
Paulatim liquidas sese subduxit in auras,
Aspectu gaudens liberiore Dei.
69