1 C. Verspreide literaire teksten van Jacob Revius ... - Enny de Bruijn

31. Lofdicht op Martinus Schoock (1641)
Plano-uitgave. GA Arnhem, collectie Van Rhemen, bibliotheek (0993), 380.
PROPEMPTICON
Effusum
Honori & amori Clariss. V.
D. MARTINI SCHOOCKII
Liberal. Art. Mag. Eloquentiae ac Historiarum in illustri Daventriensum
Athenaeo Professoris ordinarii,
Ad professionem Philosophicam in inclyta Groningensium Academia
obeundam descedentis
ANNO AERAE CHRISTIANAE
[1641]
PRID. EID. FEBRUARI JULIANI.
IBis Groningam, bellicosae Frisiae
Amice, propugnaculum,
Quod nunc Gradivo federe insolubili
Novensilei junxit Deas.
Hic, sede pulsum, constitisse creditur 5
Antenoris durum genus,
Quod hanc, Philaei nomine urbem, seculo
Prisco celebrem condidit.
Huic prima debet eloquentiae pater
Rodolphus* incunabula: 10
Et alter ille, quem favor discentium
Munide salutavit jubar:
Nec arte pejor, & potentior stylo
Hic floruit Praedinius.*
Quid est, amice? num Groninga te rapit? 15
Num poenitet Daventriae?
Civesque linguis, qui (quod Atuaticus
Primus notavit sannio)
Ut ille Marci Poenulus, pultem vorant?
At maximas vires habet 20
Jocose Schoocki, nec palato displicet
Daventriana puls bono.
Hac pastus olim literariam facem
Erasmus* orbi praetulit.
Hac plenus ante, coccinatorum patrum 25
Cusanus ornavit chorum.
Hanc Adrianus* saepe pappavit, suas
Cui Roma fasces tradidit.
Nec hanc Gybertus horruit Longolius,
Nec horruit Guinterius, 30
Nec pectus altum nobilis Bronckhorstij,
Pluresque, fama quos vehit.*
63