1 C. Verspreide literaire teksten van Jacob Revius ... - Enny de Bruijn

26. Kerstgedicht (2) (1636)
Plano-uitgave. GA Arnhem, collectie Van Rhemen, bibliotheek (0993), 380.
IN NATALEM
DOMINI AC DEI
NOSTRI IESV
CHRISTI
[1636].
Imitatio Bonfoniana.
Expectate diu, & diu cupite
Ades Ephraticis, Redemter, oris.
Ades rex hominum fideliorum,
Ades rex superûm beatiorum.
Nec sperne exiguam, Creator, urbem,
Non est exigua aut pusilla Bethle
Cui magni genitor Davidis, ipse
Cui denique maximus Davides
Vitae exordia luminisque debet.
Non est exigua aut pusilla Bethle
Quae, rex Christe, tuo superbit ortu.
Et te, rex hominum fideliorum,
Et te, rex superum beatiorum
Alumnum, ante alias beata, jactat.
Non est exigua aut pusilla Bethle
Quae terris peperit Deum potentem,
Tonantis sobolem, Deum colendum,
Cui contendere nullus angelorum
Ausit omnigenae decore laudis.
An tu jam patriam, Creator, urbem
Possis despicere & putare parvi?
Possunt divitiis tuam, Redemtor,
Vrbes innumerae praeire Bethlen,
Bethlen nulla tuam praeire possit
Claris principibusque, vatibusque,
Majorisque potentiae Monarchâ.
IACOBUS REVIUS.
* het gedicht is een navolging van Jean Bonnefons (of Janus Bonefonius, 1554-1614), ‘Ad
Lazarum Coclaeum, senatorem Parisiensem’ (vgl. Johannis Bonefonii Arverni Carmina,
Londen, 1720, p. 43-44):
Expectate diu & diu cupite,
Ades, Sequanicis, Coclaee, Barris;
Ades flos hominum eruditiorum,
Ades flos hominum eloquentiorum.
51