1 C. Verspreide literaire teksten van Jacob Revius ... - Enny de Bruijn

25. Gedicht op de vrije zee, voor Pontanus (1636)
Plano-uitgave, met potlood gedateerd 1636. GA Arnhem, collectie Van Rhemen, bibliotheek
(0993), 380.
IN
MARE CLAVSVM ET LIBERVM
AD
CL.V.D. IOANNEM ISACIUM PONTANUM
Med. Doct. Philos. Profess. & Historicum Illustr. Ordd.
Gelriae celeberrimum.
I.
Clusius cluebat olim Janus* & Patulcius:
Janus unus in Britannis nunc vocetur Clusius,
Janus alter in Sicambris nunc Patulcius fiet.*
Ille claudit, iste pandit aequoris vasti sinus.
Quem sequemur? te Patulci, namque tu faventior 5
Belgicae repertus orae. tu potentior stylo
Quem Suada perpolivit, imbuitque Veritas.
Vive foelix, ô Patulci, liberi vindex maris.
II.
Dum mare velivolum Xerxes* religare catenis
Nititur, & terras perdidit & maria. 10
Si placidum mare, si terris ratibusque benignum
Expetitis, Reges, libera sint maria.
III.
Claudatur terrâ pelagus, cumuletur arenâ,
Perrumpet omnia aggerum repagula.
Claudatur latebris rapidae vis lucida flammae, 15
Perrumpet omnes machinas & obices.
Claudatur thalamo conjux assueta vagari,
Perrumpet omnes artibus custodias.
Ah! claustro se posse negant, Seldene,* teneri
Θάλασσα καί πῦρ, καὶ γυνὴ, κακὰ τρία.* 20
IV.
Maturate fugam, Regique haec dicite vestro,
Non illi imperium pelagi, fluctusque sonanteis
Sorte datos, sed cuncta Deo servire supremo;
Qui mare sqamigero [squamigero] pecori fulcare natatu,
Ac ratibus peragrare dedit mortalibus aegris 25
Omnigenis, qui pauperiem fugiuntve, fugantve,
Aut mores hominum ac urbes lustrare laborant,
Numinis aut cultum semota ad littora portant.
JAC. REVIUS.
49