1 C. Verspreide literaire teksten van Jacob Revius ... - Enny de Bruijn

20. Pinkstergebed tot de Heilige Geest (1635)
Plano-uitgave. GA Arnhem, collectie Van Rhemen, bibliotheek (0993), 380.
ORATIO
AD DEVM SPIRITVM SANCTVM
adumbrata
ad modulos odae Horatianae;
DIVIS ORTE BONIS &c.
Summis foete bonis, sancte fidelium
Doctor gentis, abes jam nimium diu:
Adventum properans pollicitum tui
Coetus concilio, veni.
Lucem funde tuis, dux bone, vernulis. 5
Instar solis enim vultus ubi tuus
Affulsit trepidis, clarior it dies,
Et coecis oritur jubar.
Ut cives querulo murmure Principem
Quem bellum, peregre trans juga montium 10
Delatum, spacio longius annuo
Terris distinet a suis,
Votis, omnibusque & precibus vocant,
Regni nec faciem limite demovent,
Sic desideriis, sancte, calentibus 15
Te jam grex tuus expetit.
Tutus bos facito cum lupo ut accubet,
Ornet corda timor, vivaque charitas,
Facatum propius spes videat Deum,
Errorem renuat fides. 20
Undarum riguo fonte perennium
Adami maculosum eluito nefas.
Laetetur niveâ prole puerpera
Haerede aetherei boni.
Quis Parthum doceat, quis gelidum Scythen, 25
Quis Germania quos candida parturit
Foetus, absque tuo numine? quis ferae
Legem ponat Iberiae?
Oret quisque Deum finibus in suis,
Soletur viduas, curet & orphanos, 30
Hinc ad templa volet laetus, & in tribus
Unum concelebret Deum.
Te flectat prece, te, cum rutilat merum
Coelesti paterâ, cogitet, & tuum
Laudet nomen, uti sceptrigeri Patris 35
Et summo geniti Patre.
40